സെ​ക്ര​ട്ട​റി​മാ​രു​ടെ സ്ഥ​ല​ംമാ​റ്റം: ഫ​യ​ലു​ക​ൾ നീ​ങ്ങാ​തെ തി​രു​വ​ള്ളൂ​ർ ഗ്രാ​മ​പ​ഞ്ചാ​യ​ത്ത്

തി​രു​വ​ള്ളൂ​ർ: നാ​ലു വ​ർ​ഷ​ത്തി​നി​ടെ, 15 പ​ഞ്ചാ​യ​ത്ത് സെ​ക്ര​ട്ട​റി​മാ​രെ സ്ഥ​ലം മാ​റ്റി​യും ചു​മ​ത​ല ന​ൽ​കി​യും വി​വാ​ദ​മാ​യ തി​രു​വ​ള്ളൂ​രി​ൽ ഫ​യ​ലു​ക​ൾ കെ​ട്ടി​ക്കി​ട​ക്കു​ന്നു. സെ​ക്ര​ട്ട​റി​മാ​രു​ടെ നി​ര​ന്ത​ര സ്ഥ​ലം മാ​റ്റം​മൂ​ലം ദു​രി​ത​ത്തി​ലാ​യ പ​ഞ്ചാ​യ​ത്തി​ൽ ഫ​യ​ലു​ക​ൾ നീ​ങ്ങു​ന്നി​ല്ല. ചൊ​വ്വാ​ഴ്ച വ​രെ വൈ​കി​യ​ത് 580 ഉം ​തീ​ർ​പ്പാ​ക്കാ​ൻ 53 ഉം ​പു​തി​യ​താ​യി 94 ഉം ​എ​ന്ന രീ​തി​യി​ൽ 727 ഫ​യ​ലു​ക​ളാ​ണ് സെ​ക്ര​ട്ട​റി​യു​ടെ ലോ​ഗി​നി​ലു​ള്ള​ത്.

നി​ല​വി​ൽ മേ​പ്പ​യൂ​ർ പ​ഞ്ചാ​യ​ത്ത് സെ​ക്ര​ട്ട​റി​ക്കാ​ണ് തി​രു​വ​ള്ളൂ​രി​ന്റെ ചു​മ​ത​ല. പു​തു​താ​യി നി​യ​മി​ക്ക​പ്പെ​ട്ട അ​സി. സെ​ക്ര​ട്ട​റി​ക്കാ​വ​ട്ടെ ലോ​ഗി​ൻ കി​ട്ടാ​ത്ത​തി​നാ​ൽ പ്ര​വ​ർ​ത്ത​ന ഏ​കോ​പ​നം ന​ട​ത്താ​ൻ ക​ഴി​യു​ന്നി​ല്ല. ഇ​തു​മൂ​ലം പ​ദ്ധ​തി പ്ര​വ​ർ​ത്ത​നം, ഭ​വ​ന നി​ർ​മാ​ണ സ​ഹാ​യ​ധ​ന വി​ത​ര​ണം, ലൈ​സ​ൻ​സ്, അ​ധി​ക​മാ​യി വ​സൂ​ലാ​ക്ക​പ്പെ​ട്ട പെ​ർ​മി​റ്റ് ഫീ​സ് തി​രി​ച്ചു​ന​ൽ​ക​ൽ, വി​വി​ധ ക്ഷേ​മ പെ​ൻ​ഷ​ൻ അ​പേ​ക്ഷ​ക​ളു​ടെ അം​ഗീ​കാ​രം, തൊ​ഴി​ലു​റ​പ്പ് പ്ര​വ​ർ​ത്ത​ന​ങ്ങ​ൾ, വി​വാ​ഹം-​മ​ര​ണ ര​ജി​സ്ട്രേ​ഷ​ൻ, മ​റ്റു സാ​ക്ഷ്യ​പ​ത്ര​ങ്ങ​ൾ തു​ട​ങ്ങി​യ​വ മു​ട​ങ്ങി​യി​രി​ക്കു​ക​യാ​ണ്.

ഫ​യ​ലു​ക​ൾ സ​മ​യ​ബ​ന്ധി​ത​മാ​യി തീ​ർ​പ്പാ​ക്കാ​ത്ത​ത് പൊ​തു​ജ​ന​ങ്ങ​ൾ​ക്ക് ന​ൽ​കേ​ണ്ട സേ​വ​നാ​വ​കാ​ശ​ങ്ങ​ളു​ടെ ലം​ഘ​ന​മാ​ണെ​ന്നും ഗ്രാ​മ​പ​ഞ്ചാ​യ​ത്ത് പ്ര​സി​ഡ​ന്റ് സ​ബി​ത മ​ണ​ക്കു​നി​യും വൈ​സ് പ്ര​സി​ഡ​ന്റ് എ​ഫ്.​എം. മു​നീ​റും പ​റ​ഞ്ഞു.