ചുരം കയറാത്ത സ്കൂട്ടറിന് വയനാട് ആർ.ടി.ഒ എൻഫോഴ്സ്മെന്റിന്റെ പിഴ!

ഉ​ള്ള്യേ​രി: വ​യ​നാ​ട് ജി​ല്ല​യി​ൽ ഇ​തു​വ​രെ പ്ര​വേ​ശി​ക്കാ​ത്ത ഉ​ള്ള്യേ​രി പു​ത്ത​ഞ്ചേ​രി സ്വ​ദേ​ശി​യു​ടെ ഇ​രു​ച​ക്ര വാ​ഹ​ന​ത്തി​നു വ​യ​നാ​ട് ആ​ർ.​ടി.​ഒ എ​ൻ​ഫോ​ഴ്സ്മെ​ന്റി​ന്റെ പി​ഴ. കൊ​യി​ലാ​ണ്ടി ആ​ർ.​ടി ഓ​ഫി​സി​ൽ കെ.​എ​ൽ 56 എ​ൻ 7673 ന​മ്പ​റു​ള്ള ത​ന്റെ സ്കൂ​ട്ട​റി​ന്റെ എ​ൻ.​ഒ.​സി​യു​മാ​യി ബ​ന്ധ​പ്പെ​ട്ട് പോ​യ​പ്പോ​ഴാ​ണ് പു​ത്ത​ഞ്ചേ​രി സ്വ​ദേ​ശി ടി.​ആ​ർ. ബി​ജു ട്രാ​ഫി​ക് നി​യ​മ​ലം​ഘ​ന​ത്തി​ന് പി​ഴ അ​ട​ക്കാ​നു​ണ്ടെ​ന്ന വി​വ​രം അ​റി​യു​ന്ന​ത്. 2024 ഏ​പ്രി​ൽ 12നാ​ണ് വ​യ​നാ​ട് ആ​ർ.​ടി.​ഒ എ​ൻ​ഫോ​ഴ്സ്മെ​ന്റ് 2500 രൂ​പ ഫൈ​ൻ അ​ട​ക്കാ​നു​ണ്ടെ​ന്നു കാ​ണി​ച്ച് ഇ-​ച​ലാ​ൻ അ​യ​ച്ച​ത്. പ​ന​മ​രം-​ക​ല്പ​റ്റ റോ​ഡി​ൽ അ​മി​ത വേ​ഗ​ത​യി​ലും ഹെ​ൽ​മ​റ്റ്‌ ധ​രി​ക്കാ​തെ​യും ഇ​ൻ​ഷു​റ​ൻ​സ് ഇ​ല്ലാ​തെ​യും വാ​ഹ​നം ഓ​ടി​ച്ചു എ​ന്നാ​ണ് നോ​ട്ടീ​സി​ലു​ള്ള​ത്. ച​ലാ​നി​ൽ ബ​സി​നെ മ​റി​ക​ട​ക്കു​ന്ന ബൈ​ക്ക് യാ​ത്ര​ക്കാ​രു​ടെ ഫോ​ട്ടോ​യും ഉ​ണ്ട്. ത​ക​രാ​ർ കാ​ര​ണം ഏ​പ്രി​ൽ മാ​സം സ്കൂ​ട്ട​ർ പു​ത്ത​ഞ്ചേ​രി വീ​ട്ടി​ൽ ത​ന്നെ​യു​ണ്ടാ​യി​രു​ന്നു​വെ​ന്നും ജി​ല്ല​ക്കു പു​റ​ത്തേ​ക്ക് ഇ​തു​വ​രെ സ്കൂ​ട്ട​ർ കൊ​ണ്ടു​പോ​യി​ട്ടി​ല്ലെ​ന്നും ബി​ജു പ​റ​ഞ്ഞു.

വ​യ​നാ​ട് എം.​വി.​ഡി​യു​ടെ കാ​മ​റ​യി​ൽ കു​ടു​ങ്ങി​യ​ത് വ്യാ​ജ ന​മ്പ​റു​ള്ള ബൈ​ക്ക് ആ​കാ​നോ വാ​ഹ​ന ന​മ്പ​ർ തെ​റ്റി​യ​താ​വാ​നോ ആ​ണ് സാ​ധ്യ​ത. ഇ​തു​സം​ബ​ന്ധി​ച്ച് കൊ​യി​ലാ​ണ്ടി ആ​ർ.​ടി ഓ​ഫി​സി​ൽ പ​രാ​തി​പ്പെ​ട്ടെ​ങ്കി​ലും പി​ഴ അ​യ​ച്ച ഓ​ഫി​സു​മാ​യി ബ​ന്ധ​പ്പെ​ടാ​നാ​ണ് പ​റ​ഞ്ഞ​ത്. പി​ഴ അ​യ​ച്ച അ​സി. വെ​ഹി​ക്കി​ൾ ഓ​ഫി​സ​റു​ടെ ന​മ്പ​ർ ച​ലാ​ൻ ഫോ​റ​ത്തി​ൽ ഉ​ണ്ടെ​ങ്കി​ലും വി​ളി​ക്കു​മ്പോ​ൾ ഫോ​ൺ എ​ടു​ക്കു​ന്നി​ല്ലെ​ന്നും ബി​ജു പ​റ​ഞ്ഞു. കാ​മ​റ​യി​ൽ കു​ടു​ങ്ങി​യ വ്യാ​ജ ന​മ്പ​റു​ള്ള ബൈ​ക്ക് ക​ണ്ടെ​ത്തി ന​ട​പ​ടി സ്വീ​ക​രി​ച്ചി​ല്ലെ​ങ്കി​ൽ ഇ​നി​യും ത​നി​ക്ക് വി​ന​യാ​വു​മെ​ന്നും ബി​ജു​വി​ന് ആ​ശ​ങ്ക​യു​ണ്ട്.