പോരാട്ടസ്‌മരണ പേറുന്ന ഉള്ള്യേരി പാലം ഓർമയാകുന്നു

ഉ​ള്ള്യേ​രി: ക്വി​റ്റ്​ ഇ​ന്ത്യ സ​മ​ര​വു​മാ​യി ബ​ന്ധ​പ്പെ​ട്ട് കേ​ര​ള​ത്തി​ല്‍ ആ​ദ്യം ര​ജി​സ്റ്റ​ര്‍ ചെ​യ്ത കേ​സി​ൽ ഉ​ൾ​പ്പെ​ട്ട്​ ച​രി​ത്ര​ത്തി​ൽ ഇ​ടം​നേ​ടി​യ ഉ​ള്ള്യേ​രി അ​ങ്ങാ​ടി​യി​ലെ പ​തി​റ്റാ​ണ്ടു​ക​ൾ പ​ഴ​ക്ക​മു​ള്ള പാ​ലം പൊ​ളി​ച്ചു​മാ​റ്റു​ന്നു. റീ​ബി​ൽ​ഡ്‌ കേ​ര​ള പ​ദ്ധ​തി​യി​ൽ​പെ​ടു​ത്തി ന​ട​ക്കു​ന്ന കൊ​യി​ലാ​ണ്ടി -എ​ട​വ​ണ്ണ സം​സ്ഥാ​ന​പാ​ത ന​വീ​ക​ര​ണ​ത്തി​ന്‍റെ ഭാ​ഗ​മാ​യാ​ണ് ബ​ല​ക്ഷ​യം വ​ന്ന പാ​ലം പൊ​ളി​ക്കു​ന്ന​ത്. പാ​ലം പൊ​ളി​ച്ചു​മാ​റ്റു​ന്ന പ്ര​വൃ​ത്തി ബു​ധ​നാ​ഴ്ച തു​ട​ങ്ങും. ഇ​തി​ന്‍റെ ഭാ​ഗ​മാ​യി ഇ​വി​ടെ ഗ​താ​ഗ​ത നി​യ​ന്ത്ര​ണ​വും ഏ​ർ​പ്പെ​ടു​ത്തി​യി​ട്ടു​ണ്ട്.

മാ​താം തോ​ടി​ന്​ കു​റു​കെ​യു​ണ്ടാ​യി​രു​ന്ന പാ​ലം പൊ​ളി​ച്ച​തും കോ​ക്ക​ല്ലൂ​രി​ലെ​യും ഉ​ള്ള്യേ​രി​യി​ലെ​യും അം​ശ​ക്ക​ച്ചേ​രി​ക​ളും കു​ന്ന​ത്ത​റ​യി​ലെ സ​ര്‍ക്കാ​ര്‍ ഓ​ഫി​സ് തീ​യി​ട്ട​തും ഉ​ള്ള്യേ​രി​യു​ടെ സ്വാ​ത​ന്ത്ര്യ​സ​മ​ര ച​രി​ത്ര​ത്തി​ലെ ഒ​ളി​മ​ങ്ങാ​ത്ത ഓ​ര്‍മ​ക​ളാ​ണ്. മൂ​ന്ന് ചെ​മ്മ​ണ്‍ റോ​ഡു​ക​ള്‍ സ​ന്ധി​ക്കു​ന്ന ക​വ​ല​യാ​യി​രു​ന്നു ഉ​ള്ള്യേ​രി മു​ക്ക്.

കോ​ഴി​ക്കോ​ട് നി​ന്നും അ​ക​ലാ​പ്പു​ഴ വ​ഴി വ​രു​ന്ന ച​ര​ക്കു​ക​ള്‍ ക​ണ​യ​ങ്കോ​ട് ക​ട​വി​ല്‍ എ​ത്തി​ച്ച ശേ​ഷം കാ​ള​വ​ണ്ടി​യി​ലാ​ണ് ഉ​ള്ള്യേ​രി വ​ഴി കി​ഴ​ക്ക​ന്‍ പ്ര​ദേ​ശ​ങ്ങ​ളി​ലേ​ക്ക് കൊ​ണ്ടു​പോ​യി​രു​ന്ന​ത്. തി​രി​ച്ച് വ​യ​നാ​ട​ന്‍ ഭാ​ഗ​ങ്ങ​ളി​ല്‍നി​ന്ന്​ ക​പ്പ​യും മ​ല​ഞ്ച​ര​ക്കും കൊ​ണ്ടു​പോ​യി​രു​ന്ന​തും ഇ​തു​വ​ഴി​യാ​യി​രു​ന്നു. ഉ​ള്ള്യേ​രി മു​ക്കി​ലെ മ​ര​പ്പാ​ലം ക​ട​ന്നാ​യി​രു​ന്നു ഈ ​യാ​ത്ര​ക​ളെ​ല്ലാം. യാ​ത്രി​ക​രു​ടെ ഇ​ട​ത്താ​വ​ള​വു​മാ​യി​രു​ന്നു ഇ​വി​ടം. ട്രെ​യി​ൻ ഓ​ടി​ക്കു​ന്ന​തി​നും മ​റ്റും ആ​വ​ശ്യ​മാ​യ മ​ര​ക്ക​രി​യും ഒ​പ്പം വ​ലി​യ മ​ര​ത്ത​ടി​ക​ളും വ​യ​നാ​ട് അ​ട​ക്ക​മു​ള്ള പ​ശ്ചി​മ​ഘ​ട്ട പ്ര​ദേ​ശ​ങ്ങ​ളി​ല്‍നി​ന്ന്​ ബ്രി​ട്ടീ​ഷു​കാ​ർ കൊ​ണ്ടു​പോ​യി​രു​ന്ന​ത് ഈ ​മ​ര​പ്പാ​ലം വ​ഴി​യാ​യി​രു​ന്നു.

ഇ​ത് ത​ട​യു​ക​യെ​ന്ന ല​ക്ഷ്യ​ത്തോ​ടെ​യാ​ണ് 1942 ആ​ഗ​സ്റ്റ്‌ 19ന്​ ​അ​ർ​ധ​രാ​ത്രി എ​ന്‍.​കെ. ദാ​മോ​ദ​ര​ന്‍ നാ​യ​രു​ടെ നേ​തൃ​ത്വ​ത്തി​ല്‍ പ​ത്തോ​ളം വ​രു​ന്ന സം​ഘം പാ​ലം പൊ​ളി​ച്ച​ത്. മ​ര​പ്പാ​ല​ത്തി​ന്‍റെ പ​ല​ക​ക​ള്‍ ഉ​റ​പ്പി​ച്ച ഇ​രു​മ്പ് ബീ​മു​ക​ള്‍ അ​ട​ക്കം അ​ഴി​ച്ചു​മാ​റ്റി വ​ലി​ച്ചെ​റി​യു​ക​യും ചെ​യ്തു. അ​ല്‍പ​സ​മ​യ​ത്തി​ന​കം മ​ര​ച്ചീ​നി​യു​മാ​യി താ​മ​ര​ശ്ശേ​രി ഭാ​ഗ​ത്ത് നി​ന്നും വ​ന്ന കാ​ള​വ​ണ്ടി​ക്കാ​ര​നാ​ണ് വി​വ​രം അ​ധി​കൃ​ത​രെ അ​റി​യി​ച്ച​ത്. പ്ര​തി​ക​ളെ കു​റി​ച്ച്​ വി​വ​രം ല​ഭി​ച്ച പെ​ാലീ​സ് ചി​ല​രെ വീ​ടു​വ​ള​ഞ്ഞ്​ അ​റ​സ്റ്റ്​ ചെ​യ്തു. ചി​ല​ർ പി​ടി​കൊ​ടു​ക്കാ​തെ ഒ​ളി​വി​ല്‍ പോ​യി. എം.​എ​സ്.​പി​ക്കാ​ര്‍ ഇ​വ​രെ കൊ​ടി​യ പീ​ഡ​ന​ത്തി​ന്​ ഇ​ര​യാ​ക്കി. നാ​ലു​വ​ര്‍ഷ​വും ഒ​രു​മാ​സ​വും ത​ട​വു​ശി​ക്ഷ ല​ഭി​ച്ച 10 പേ​രെ ബെ​ള്ളാ​രി​യി​ലെ ആ​ലി​പു​രം ജ​യി​ലി​ലേ​ക്ക് മാ​റ്റി. സ​മ​ര​ത്തി​ൽ പ​ങ്കെ​ടു​ത്ത​വ​രാ​രും ഇ​ന്ന് ജീ​വി​ച്ചി​രി​പ്പി​ല്ല.

മ​ര​പ്പാ​ല​ത്തി​നു​പ​ക​രം നി​ർ​മി​ച്ച വ​ർ​ഷ​ങ്ങ​ൾ പ​ഴ​ക്ക​മു​ള്ള കോ​ൺ​ക്രീ​റ്റ് പാ​ലം അ​പ​ക​ടാ​വ​സ്ഥ​യി​ലാ​യി​ട്ട്​ ഏ​റ​ക്കാ​ല​മാ​യി. പു​തി​യ പാ​ലം പ​ണി​യു​ന്ന​തി​നൊ​പ്പം ഇ​വി​ടെ സ്വാ​ത​ന്ത്ര്യ​സ​മ​ര സേ​നാ​നി​ക​ൾ​ക്കു​ള്ള സ്മാ​ര​കം കൂ​ടി നി​ർ​മി​ക്ക​ണ​മെ​ന്ന ആ​വ​ശ്യം ഉ​യ​ർ​ന്നി​ട്ടു​ണ്ട്.