ല​ഹ​രി ഉ​പ​യോ​ഗം: കാ​ലി​ക്ക​റ്റ് കാ​മ്പ​സ് നി​രീ​ക്ഷ​ണ​ത്തി​ൽ

തേ​ഞ്ഞി​പ്പ​ലം: കാ​ലി​ക്ക​റ്റ് സ​ർ​വ​ക​ലാ​ശാ​ല കാ​മ്പ​സ് ഹോ​സ്റ്റ​ലും മ​റ്റി​ട​ങ്ങ​ളും കേ​ന്ദ്രീ​ക​രി​ച്ചു​ള്ള മ​ദ്യ-​ല​ഹ​രി ഉ​പ​യോ​ഗം ത​ട​യാ​ൻ നി​രീ​ക്ഷ​ണം. എ​ക്സൈ​സ് ഉ​ദ്യോ​ഗ​സ്ഥ​രു​ടെ​യും സ​ർ​വ​ക​ലാ​ശാ​ല ജാ​ഗ്ര​ത സ​മി​തി അം​ഗ​ങ്ങ​ളു​ടെ​യും കൂ​ട്ടാ​യ്മ​യി​ലാ​ണ് ര​ഹ​സ്യ നി​രീ​ക്ഷ​ണം. സ​ർ​വ​ക​ലാ​ശാ​ല ചാ​ൻ​സ​ല​റാ​യ ഗ​വ​ർ​ണ​ർ സെ​ന​റ്റ് യോ​ഗ​ത്തി​ൽ പ​ങ്കെ​ടു​ക്കാ​നെ​ത്തു​ന്ന ഘ​ട്ട​ത്തി​ൽ കാ​മ്പ​സി​ലെ ഹോ​സ്റ്റ​ലു​ക​ൾ സ​ന്ദ​ർ​ശി​ക്കു​മെ​ന്ന സൂ​ച​ന​യു​ള്ള​തി​നാ​ൽ ഹോ​സ്റ്റ​ലും മ​റ്റ് പ്ര​ധാ​ന മേ​ഖ​ല​ക​ളും ശു​ചീ​ക​രി​ക്കാ​ൻ വി.​സി നി​ർ​ദേ​ശം ന​ൽ​കു​ക​യും നേ​രി​ട്ടെ​ത്തു​ക​യും ചെ​യ്തി​രു​ന്നു. തു​ട​ർ​ന്ന് പു​രു​ഷ ഹോ​സ്റ്റ​ൽ പ്ര​ദേ​ശ​ത്ത് ക​ണ്ടെ​ത്തി​യ മ​ദ്യ​ക്കു​പ്പി ശേ​ഖ​രം ആ​ളൊ​ഴി​ഞ്ഞ കാ​മ്പ​സി​ലെ മ​റ്റൊ​രി​ട​ത്തേ​ക്ക് മാ​റ്റി.

ഹോ​സ്റ്റ​ലി​ൽ നി​ന്നും പ​രി​സ​ര​ത്ത് നി​ന്നു​മാ​യി നൂ​റു​ക​ണ​ക്കി​ന് ഒ​ഴി​ഞ്ഞ മ​ദ്യ​ക്കു​പ്പി​ക​ളാ​ണ് ശേ​ഖ​രി​ച്ച് മാ​റ്റി​യ​ത്. സം​ഭ​വം പു​റ​ത്ത​റി​ഞ്ഞ​തോ​ടെ സ​ർ​വ​ക​ലാ​ശാ​ല സ​മൂ​ഹ​ത്തി​ന് എ​തി​രെ വി​മ​ർ​ശ​ന​വും ഉ​യ​ർ​ന്നി​രി​ക്കു​ക​യാ​ണ്. സം​സ്ഥാ​ന​ത്തി​ന്റെ വി​വി​ധ ഭാ​ഗ​ങ്ങ​ളി​ൽ​നി​ന്ന് ഉ​പ​രി പ​ഠ​ന​ത്തി​നാ​യി എ​ത്തി​യ വി​ദ്യാ​ർ​ഥി​ക​ളി​ൽ പ​ല​രും സ​ർ​വ​ക​ലാ​ശാ​ല കാ​മ്പ​സി​ൽ ല​ഹ​രി ഉ​പ​യോ​ഗി​ക്കു​ന്ന​താ​യാ​ണ് ആ​രോ​പ​ണം. ല​ഹ​രി എ​ത്തി​ച്ചു കൊ​ടു​ക്കാ​ൻ കാ​മ്പ​സ് കേ​ന്ദ്രീ​ക​രി​ച്ച് ഏ​ജ​ന്റു​മാ​ർ പ്ര​വ​ർ​ത്തി​ക്കു​ന്ന​താ​യ വി​വ​ര​ങ്ങ​ളും പു​റ​ത്തു വ​ന്നി​ട്ടു​ണ്ട്. ഹോ​സ്റ്റ​ൽ പ​രി​സ​ര​ത്തു​നി​ന്ന് സി.​എ​ൽ.​ആ​ർ തൊ​ഴി​ലാ​ളി​ക​ൾ ശേ​ഖ​രി​ച്ച് മാ​റ്റി​യ ഒ​ഴി​ഞ്ഞ മ​ദ്യ​ക്കു​പ്പി​ക​ൾ ചെ​ട്ട്യാ​ർ​മാ​ട് -ഒ​ലി​പ്രം റോ​ഡി​ലു​ള്ള വി.​സി​യു​ടെ വ​സ​തി​ക്ക് തൊ​ട്ട് സ​മീ​പ​മു​ള​ള ആ​ൾ​ത്താ​മ​സ​മി​ല്ലാ​ത്ത സ​ർ​വ​ക​ലാ​ശാ​ല കെ​ട്ടി​ട​ത്തി​ലാ​ണ് കൊ​ണ്ടു​വ​ന്നി​ട്ടി​രി​ക്കു​ന്ന​ത്.

ശ​ക്ത​മാ​യ ന​ട​പ​ടി​യെ​ന്ന് വി.​സി

കാ​ലി​ക്ക​റ്റ് സ​ർ​വ​ക​ലാ​ശാ​ല കാ​മ്പ​സി​ൽ ല​ഹ​രി ഉ​പ​യോ​ഗി​ക്കു​ന്ന​ത് ക​ണ്ടെ​ത്തി​യാ​ൽ ശ​ക്ത​മാ​യ ന​ട​പ​ടി​യെ​ന്ന് വൈ​സ് ചാ​ൻ​സ​ല​ർ. ഹോ​സ്റ്റ​ൽ നി​യ​മ​ങ്ങ​ൾ ക​ർ​ശ​ന​മാ​ക്കു​മെ​ന്നും പ​രി​ശോ​ധ​ന തു​ട​രു​മെ​ന്നും വി.​സി ഡോ. ​പി. ര​വീ​ന്ദ്ര​ൻ വ്യ​ക്ത​മാ​ക്കി. സ​ർ​വ​ക​ലാ​ശാ​ല വി​ദ്യാ​ർ​ഥി​ക​ൾ, അ​ധ്യാ​പ​ക​ർ, ജീ​വ​ന​ക്കാ​ർ എ​ന്നി​വ​ര​ട​ങ്ങി​യ ജാ​ഗ്ര​ത സ​മി​തി പ്ര​വ​ർ​ത്ത​നം സ​ജീ​വ​മാ​ണ്. കാ​മ്പ​സ് അ​തി​ർ​ത്തി പ്ര​ദേ​ശ​ങ്ങ​ളി​ൽ ഫെ​ൻ​സി​ങ് സ്ഥാ​പി​ക്കാ​ൻ ശ്ര​മ​ങ്ങ​ൾ ഊ​ർ​ജ്ജി​ത​മാ​ക്കു​മെ​ന്നും ആ​റ് മാ​സ​ത്തി​ന​കം കാ​മ്പ​സ് പ്ര​ദേ​ശ​ങ്ങ​ളി​ൽ സി.​സി.​ടി.​വി കാ​മ​റ സ്ഥാ​പി​ക്കു​ന്ന പ്ര​വൃ​ത്തി തു​ട​ങ്ങാ​നാ​കു​മെ​ന്നും വി.​സി പ​റ​ഞ്ഞു.