ഉപയോഗിച്ച ഭക്ഷ്യ എണ്ണ ബയോഡീസലാക്കുന്ന പദ്ധതിക്ക്​ കോഴിക്കോട്ട് ത​ുടക്കം

കോഴിക്കോട്​: ഉപയോഗിച്ച എണ്ണ ശേഖരിച്ച് ബയോഡീസൽ ആക്കിമാറ്റുന്ന പദ്ധതിക്ക്​ കോഴിക്കോട്​ ജില്ല ഭക്ഷ്യസുരക്ഷ വകുപ്പ്​ തുടക്കം കുറിച്ചു. ഭക്ഷ്യയോഗ്യമല്ലാത്ത പാചക എണ്ണ അംഗീകൃത ഏജൻസികളുടെ സഹായത്തോടെ ശേഖരിച്ച്​ ആ​ന്ധ്രയിലെ ബയോഡീസൽ കമ്പനിക്ക്​ കൈമാറുന്നതാണ്​ പദ്ധതി. അവിടെ പുനരുൽപാദിപ്പിക്കുന്ന ബയോഡീസൽ പിന്നീട് ഓയിൽ മാർക്കറ്റിങ്​ കമ്പനികളുടെ സഹായത്തോടെ വാഹന ഇന്ധന പമ്പുകളിൽനിന്ന്​ ജനങ്ങൾക്ക് ലഭ്യമാക്കും.

ഭക്ഷ്യസുരക്ഷ ഗുണനിലവാര അതോറിറ്റിയുടെ അംഗീകാരമുള്ള കലക്​ഷൻ ഏജൻറുമാർ മുഖേനയാണ്​ ഓയിൽ ശേഖരിക്കുന്നത്​. ഭക്ഷണശാലകളിൽ ഉപയോഗിച്ച എണ്ണ വീണ്ടും ഉപയോഗിക്കുന്നത്​ സാമൂഹികാരോഗ്യത്തിന്​ ഗു​രുതര ഭീഷണിയാവുന്ന സാഹചര്യത്തിലാണ്​ പുതിയ ചുവടുവെപ്പ്​. ലോക ബയോ ഫ്യുവൽ ദിനമായ ആഗസ്​റ്റ്​ 10നാണ്​ പദ്ധതി ആരംഭിച്ചത്​.

ഹോട്ടലുകളിലെയും ബേക്കറികളിലെയും എണ്ണ ആഴ്​ചയിലൊരിക്കൽ ലിറ്ററിന്​ 30 രൂപ നിരക്കിൽ കലക്​ഷൻ ഏജൻസി ശേഖരിക്കും. തട്ടു​കടകൾ, പലഹാരങ്ങൾ പൊരിച്ച്​ ഹോട്ടലുകളിലും ബേക്കറികളിലും എത്തിക്കുന്ന സംരംഭകർ എന്നിവരിൽനിന്നും എണ്ണ ശേഖരിക്കും. ഹോട്ടൽ, ബേക്കറി അസോസിയേഷനുകളുമായി സഹകരിച്ചാണിത്​.

ഓയിലിൽ പ്രാഥമികമായി അടങ്ങിയിരിക്കുന്ന ട്രൈഗ്ലിസറൈഡുകൾ വിഘടിച്ച് ഉണ്ടാകുന്ന അനാവശ്യ രാസവസ്തുക്കളുടെ അളവാണ് ടി.പി.സി (ടോട്ടൽ പോളാർ കോമ്പൗണ്ട്​സ്​). ഭക്ഷ്യസുരക്ഷ നിയമമനുസരിച്ച്​ എണ്ണയിൽ അടങ്ങിയിരിക്കുന്ന മൊത്തം ടി.പി.സി 25 ശതമാനത്തിനുള്ളിലാവണം. അതിലധികം ടി.പി.സിയുള്ള പാചക എണ്ണ ഉപയോഗിക്കുന്നതിലൂടെ ഗുരുതര ആരോഗ്യ പ്രശ്നങ്ങൾ ഉണ്ടാവുന്നു.

മലയാളികളിൽ ചീത്ത കൊളസ്​ട്രോളി​െൻറ അളവ്​ വർധിക്കുന്നതി​െൻറ പ്രധാന കാരണമായി ഡോക്​ടർമാർ പറയുന്നത്​ എണ്ണപ്പലഹാരങ്ങളുടെ ഉപയോഗമാണ്​. കുടിൽ വ്യവസായമായി എണ്ണക്കടികൾ ഉൽപാദിപ്പിച്ച്​ ഹോട്ടലുകളിലും മറ്റും എത്തിക്കുന്ന കേന്ദ്രങ്ങളിൽനിന്ന്​ എണ്ണ ശേഖരിണമെന്ന ആവശ്യം ശക്​തമാണ്​.