വടകര ഗവ. ജില്ല ആശുപത്രിയിലെ അടിസ്ഥാന സൗകര്യങ്ങൾ വർധിപ്പിക്കണം

വ​ട​ക​ര: വ​ട​ക​ര ജി​ല്ല ആ​ശു​പ​ത്രി​യി​ലെ അ​ടി​സ്ഥാ​ന സൗ​ക​ര്യ​ങ്ങ​ൾ വ​ർ​ധി​പ്പി​ക്ക​ണ​മെ​ന്ന് താ​ലൂ​ക്ക് വി​ക​സ​ന​സ​മി​തി യോ​ഗം ആ​വ​ശ്യ​പ്പ​ട്ടു. നെ​ഫ്രാ​ള​ജി​സ്റ്റ്, കാ​ർ​ഡി​യോ​ള​ജി​സ്റ്റ് ത​സ്തി​ക​യി​ൽ സോ​ക്ട​ർ​മാ​രു​ടെ പോ​സ്റ്റ് ഒ​ഴി​ഞ്ഞു​കി​ട​ക്കു​ന്ന​തി​നാ​ൽ രോ​ഗി​ക​ൾ വ​ല​യു​ക​യാ​ണ്.

ആ​ശു​പ​ത്രി ശോ​ച്യാ​വ​സ്ഥ​യെ സം​ബ​ന്ധി​ച്ച് യോ​ഗ​ത്തി​ൽ സ​മി​തി അം​ഗം പി.​പി. സു​രേ​ഷ് ബാ​ബു​വാ​ണ് ഉ​ന്ന​യി​ച്ച​ത്. താ​ലൂ​ക്ക് ആ​ശു​പ​ത്രി ജി​ല്ല​ത​ല​ത്തി​ൽ ഉ​യ​ർ​ത്തി​യെ​ങ്കി​ലും ആ​വ​ശ്യ​മാ​യ സ്റ്റാ​ഫ് പാ​റ്റേ​ൺ അ​നു​വ​ദി​ക്കാ​ത്ത​താ​ണ് ആ​തു​ര​കേ​ന്ദ്ര​ത്തി​ലെ പ്ര​ധാ​ന പ്ര​ശ്ന​മെ​ന്ന് ആ​രോ​ഗ്യ​വ​കു​പ്പ് അ​ധി​കൃ​ത​ർ പ​റ​ഞ്ഞു.

മു​ക്കാ​ളി റെ​യി​ൽ​വേ സ്റ്റേ​ഷ​നി​ൽ കോ​വി​ഡി​നു​മു​മ്പ് നി​ർ​ത്തി​യ മു​ഴു​വ​ൻ ട്രെ​യി​നു​ക​ൾ​ക്കും സ്റ്റോ​പ് അ​നു​വ​ദി​ക്ക​ണ​മെ​ന്നും യോ​ഗം ആ​വ​ശ്യ​പ്പെ​ട്ടു.

ദേ​ശീ​യ​പാ​ത നി​ർ​മാ​ണ​ത്തി​ൽ ഗ​താ​ഗ​ത​ക്കു​രു​ക്ക് രൂ​ക്ഷ​മാ​യ സാ​ഹ​ച​ര്യ​ത്തി​ൽ ട്രെ​യി​നു​ക​ൾ നി​ർ​ത്തേ​ണ്ട​ത് യാ​ത്ര​ക്കാ​ർ​ക്ക് ആ​വ​ശ്യ​മാ​ണെ​ന്ന് പ്ര​ദീ​പ് ചോ​മ്പാ​ല പ​റ​ഞ്ഞു.

മ​യ്യ​ഴി പു​ഴ​യു​ടെ ഒ​രു ഭാ​ഗം പൂ​ർ​ണ​മാ​യി മ​ണ്ണി​ട്ട് നി​ക​ത്തി​യ​താ​യി പു​ഴ​സം​ര​ക്ഷ​ണ​സ​മി​തി സെ​ക്ര​ട്ട​റി ജാ​ഫ​ർ വാ​ണി​മേ​ൽ പ​രാ​തി ന​ൽ​കി.

പാ​രി​സ്ഥി​തി​ക സ​ന്തു​ലി​താ​വ​സ്ഥ നി​ല​നി​ർ​ത്താ​നാ​വ​ശ്യ​മാ​യ​വി​ധം പു​ഴ​യും​പു​ഴ​യോ​ര​വും പൂ​ർ​വ​സ്ഥി​തി​യി​ലാ​ക്ക​മെ​ന്ന് ആ​വ​ശ്യ​മു​യ​ർ​ന്നു. റ​വ​ന്യൂ വ​കു​പ്പ് ഇ​ക്കാ​ര്യ​ത്തി​ൽ ഫ​ല​പ്ര​ദ​മാ​യി ഇ​ട​പെ​ടു​ന്നി​ല്ലെ​ന്ന് സ​മി​തി​അം​ഗ​ങ്ങ​ൾ പ​റ​ഞ്ഞു.

വ​ട​ക​ര ലി​ങ്ക് റോ​ഡി​ലെ ബ​സ് സ്റ്റാ​ൻ​സ് നേ​ര​ത്തേ​യു​ള്ള പ​ഴ​യ സ്റ്റാ​ൻ​ഡി​ലേ​ക്ക് മാ​റ്റ​ണ​മെ​ന്ന് സ​മി​തി​അം​ഗം പി.​പി. രാ​ജ​ൻ, വ​ട​ക​ര മ​ർ​ച്ച​ന്റ്സ് അ​സോ​സി​യേ​ഷ​ൻ പ്ര​സി​ഡ​ന്റ് എം. ​അ​ബ്ദു​ൽ സ​ലാം എ​ന്നി​വ​ർ ആ​വ​ശ്യ​പ്പെ​ട്ടു. പ്ര​ശ്നം മു​നി​സി​പ്പ​ൽ അ​ധി​കൃ​ത​രു​ടെ ശ്ര​ദ്ധ​യി​ൽ കൊ​ണ്ടു​വ​രു​മെ​ന്ന് താ​ഹസിൽ​ദാ​ർ ഡി. ​ര​ഞ്ജി​ത്ത് പ​റ​ഞ്ഞു. പ​ഴ​യ സ്റ്റാ​ൻ​ഡി​ൽ ലി​ങ്ക് റോ​ഡി​ൽ നി​ർ​ത്തി​യി​ടു​ന്ന ബ​സു​ക​ൾ​ക്ക് സ​ർ​വി​സ് ന​ട​ത്താ​ൻ സൗ​ക​ര്യ​മു​ണ്ടെ​ന്ന് ചൂ​ണ്ടി​ക്കാ​ണി​ക്ക​പ്പെ​ട്ടു. സ​മി​തി​അം​ഗം സി.​കെ. ക​രീം അ​ധ്യ​ക്ഷ​ത​വ​ഹി​ച്ചു. എ​ട​ച്ചേ​രി പ​ഞ്ചാ​യ​ത്ത് പ്ര​സി​ഡ​ന്റ് എ​ൻ. പ​ത്മി​നി, സ​മി​തി അം​ഗ​ങ്ങ​ളാ​യ പി. ​സു​രേ​ഷ് ബാ​ബു, പ്ര​ദീ​പ് ചോ​മ്പാ​ല, പി.​പി. രാ​ജ​ൻ, ടി.​വി. ഗം​ഗാ​ധ​ര​ൻ, ബി​ജു കാ​യ​ക്കൊ​ടി എ​ന്നി​വ​ർ സം​സാ​രി​ച്ചു.