തിരുവള്ളൂരിൽ വാഹനാപകടം; രണ്ടു പേർക്ക് പരിക്ക്

വടകര: തിരുവള്ളൂർ ചാനിയം കടവ് റോഡിൽ കാറും സ്കൂട്ടറും കൂട്ടിയിടിച്ച് രണ്ടു പേർക്ക് പരിക്കേറ്റു. രാവിലെ ഏഴോടെ തിരുവള്ളൂർ അപ്പുബസാറിലാണ് അപകടം.

ഇടിയുടെ ആഘാതത്തിൽ കാർ മറിഞ്ഞു. ഓടിക്കൂടിയ നാട്ടുകാരാണ് രക്ഷാപ്രവർത്തനം നടത്തിയത്.

കാർ ഓടിച്ച പൊലീസുകാരനടക്കം ഗുരുതര പരിക്കുണ്ട്. ഇരുവരെയും ആശുപത്രിയിൽ പ്രവേശിപ്പിച്ചു.