ഐ.വി. ബാബു അനുസ്മരണം: കെ റെയിലിനെതിരെയുള്ള പ്രക്ഷോഭ വേദിയായി
text_fieldsഐ.വി. ബാബു അനുസ്മരണത്തിൽ കെ.കെ. രമ എം.എൽ.എ സംസാരിക്കുന്നു
വടകര: മാധ്യമപ്രവർത്തകൻ ഐ.വി. ബാബുവിന്റെ അനുസ്മരണ വേദി കെ-റെയിലിനെതിരെ സമരപ്രഖ്യാപന വേദിയായി. വടകരയിൽ സംഘടിപ്പിച്ച ഐ.വി. ബാബു അനുസ്മരണം മേധ പട്കർ ഉദ്ഘാടനം ചെയ്തു. ജനാധിപത്യ വിരുദ്ധ നടപടിക്കെതിരെ ധീരതയോടെ പൊരുതിയ പൊതുപ്രവർത്തകനാണ് ഐ.വി ബാബുവെന്നും അനുസ്മരണം സമരപോരാട്ടത്തിന് ഊർജം നൽകുമെന്ന് അവർ പറഞ്ഞു.
കെ-റെയിൽ കൈയേറ്റ വികസനമാണെന്നും ഭരണകൂടത്തിന്റെ തെമ്മാടി പ്രവർത്തനത്തെ പല്ലും നഖവും ഉപയോഗിച്ച് ചെറുക്കണമെന്ന് കെ.സി ഉമേഷ് ബാബു പറഞ്ഞു. കെ-റെയിൽ സമരത്തെ വർഗീയവാദികളുടെ സമരമായി ചാപ്പ കുത്തി പിന്നോട്ടടിപ്പിക്കാൻ കഴിയില്ലെന്നും ജീവിക്കാനുള്ള അതിജീവന സമരത്തിൽനിന്നും പിന്നോട്ടില്ലെന്നും ഷാജി പാണ്ട്യാല പറഞ്ഞു.
കെ-റെയിൽ സമരങ്ങളെ കരിനിയമങ്ങൾ കൊണ്ടുവന്ന് തകർക്കാൻ കഴിയില്ലെന്നും കെ-റെയിൽ വിവരങ്ങൾ ജനങ്ങളുമായി ചർച്ചചെയ്യാൻ മടിക്കുന്നത് വെല്ലുവിളിയാണെന്നും യൂത്ത് കോൺഗ്രസ് നേതാക്കളായ ബൽറാം, രാഹുൽ മാങ്കൂട്ടത്തിൽ എന്നിവർ പറഞ്ഞു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.