അഴിയാക്കുരുക്കിന് വിട; മൂരാട് പാലം തുറന്നു

വ​ട​ക​ര: ദേ​ശീ​യ​പാ​ത​യി​ലെ അ​ഴി​യാ​ക്കു​രു​ക്കി​ന് വി​ട. മൂ​രാ​ട് പാ​ലം ഗ​താ​ഗ​ത​ത്തി​ന് തു​റ​ന്നു​കൊ​ടു​ത്തു. ചൊ​വ്വാ​ഴ്ച വൈ​കീ​ട്ടോ​ടെ​യാ​ണ് ഔ​ദ്യോ​ഗി​ക പ​രി​പാ​ടി​ക​ളി​ല്ലാ​തെ അ​ധി​കൃ​ത​ർ പാ​ലം താ​ൽ​ക്കാ​ലി​ക​മാ​യി തു​റ​ന്ന​ത്. ക​രാ​ർ ക​മ്പ​നി​യാ​യ ഹ​രി​യാ​ന ഇ-​​ഫൈ​​വ് ഇ​​ൻ​​ഫ്രാ​​സ്ട്ര​​ക്ച​​ർ പ്രൈ​​വ​​റ്റ് ലി​​മി​​റ്റ​​ഡി​ന്റെ ഉ​ദ്യോ​ഗ​സ്ഥ​രെ​ത്തി പാ​ല​ത്തി​ൽ തേ​ങ്ങ​യു​ട​ച്ച് വാ​ഹ​ന​ങ്ങ​ൾ ക​ട​ത്തി​വി​ടു​ക​യാ​യി​രു​ന്നു. ക​ണ്ണൂ​ർ-​കോ​ഴി​ക്കോ​ട് ദേ​ശീ​യ​പാ​ത​യി​ൽ കു​റ്റ്യാ​ടി​പ്പു​ഴ​ക്കു കു​റു​കെ​യാ​ണ് പാ​ലം നി​ർ​മി​ച്ച​ത്. ദേ​​ശീ​​യ​​പാ​​ത ആ​​റു​​വ​​രി​​യാ​​യി വി​​ക​​സി​​പ്പി​​ക്കു​​ന്ന​​തി​​ന്റെ ഭാ​​ഗ​​മാ​​യി വ​​ട​​ക​​ര പാ​​ലോ​​ളി​​പ്പാ​​ലം മു​​ത​​ൽ മൂ​​രാ​​ട് പാ​​ലം വ​​രെ​​യു​​ള്ള വി​​ക​​സ​​ന പ​​ദ്ധ​​തി​​യി​​ലു​​ൾ​​പ്പെ​​ടു​​ത്തി​​യാ​​ണ് പു​​തി​​യ പാ​​ലം നി​ർ​മി​ച്ച​ത്. പാ​ലം നി​ർ​മാ​ണ​ത്തി​നും അ​പ്രോ​ച്ച് റോ​ഡി​ന്റെ ഭൂ​മി ഏ​റ്റെ​ടു​ക്ക​ലി​നു​മാ​യി 210 കോ​ടി രൂ​പ​യി​ല​ധി​ക​മാ​ണ് ചെ​ല​വ​ഴി​ച്ച​ത്. 2021ൽ ​തു​ട​ക്കം കു​റി​ച്ച പാ​ലം നി​ർ​മാ​ണം 2023 ഏ​പ്രി​ലി​ൽ പൂ​ർ​ത്തീ​ക​രി​ക്കാ​നാ​യി​രു​ന്നു ല​ക്ഷ്യ​മി​ട്ട​ത്. കാ​ല​വ​ർ​ഷ​വും പേ​മാ​രി​യും പി​ല്ല​റു​ക​ളി​ലു​ണ്ടാ​യ ത​ക​രാ​റും പ്ര​വൃ​ത്തി വൈ​കാ​നി​ട​യാ​ക്കി.

പാ​ലം നി​ർ​മാ​ണ​ത്തി​ന് 14 പി​ല്ല​റു​ക​ളാ​ണ് ഇ​രു​ക​ര​ക​ളി​ലും പു​ഴ​യി​ലു​മാ​യി നി​ർ​മി​ച്ച​ത്. പു​ഴ​യി​ൽ നി​ർ​മി​ച്ച ഒ​രു പി​ല്ല​റി​നു​ണ്ടാ​യ ച​രി​വ് ഏ​റെ വി​വാ​ദ​ങ്ങ​ൾ​ക്കി​ട​യാ​ക്കി​യി​രു​ന്നു. വീ​ണ്ടും ബ​ല​പ്പെ​ടു​ത്തി​യാ​ണ് നി​ർ​മാ​ണം പൂ​ർ​ത്തീ​ക​രി​ച്ച​ത്. 1940ൽ ​ക്ലാ​സ് ബി ​വി​ഭാ​ഗ​ത്തി​ൽ ഉ​ൾ​പ്പെ​ടു​ത്തി​യാ​ണ് മൂ​രാ​ട് പ​ഴ​യ പാ​ലം നി​ർ​മി​ച്ച​ത്. 60 ട​ൺ ഭാ​ര​മു​ള്ള വാ​ഹ​ന​ങ്ങ​ൾ​വ​രെ നി​ര​ന്ത​രം ക​ട​ന്നു​പോ​യി​രു​ന്ന പാ​ലം ത​ക​ർ​ച്ച​ഭീ​ഷ​ണി​യി​ലാ​വു​ക​യും ഗ​താ​ഗ​ത​ക്കു​രു​ക്കി​ൽ യാ​ത്ര​ക്കാ​ർ വ​ല​യു​ക​യും ചെ​യ്ത​തോ​ടെ പു​തു​ക്കി​പ്പ​ണി​യാ​ൻ നി​ര​വ​ധി സ​മ​ര​ങ്ങ​ളാ​ണ് അ​ര​ങ്ങേ​റി​യ​ത്. 136 മീ​റ്റ​ർ നീ​ള​വും അ​ഞ്ചു മീ​റ്റ​ർ വീ​തി​യു​മു​ള്ള പാ​ലം സം​സ്ഥാ​ന​ത്തെ ദേ​ശീ​യ​പാ​ത​യി​ലെ ഇ​ടു​ങ്ങി​യ പാ​ല​ങ്ങ​ളി​ലൊ​ന്നാ​യി​രു​ന്നു.