വടകര കുടുംബകോടതിയിൽ ജഡ്ജിയില്ല; പരിഹാരം കാത്ത് നിരവധി കേസുകൾ

വ​ട​ക​ര: കു​ടും​ബ​കോ​ട​തി​യി​ൽ ജ​ഡ്ജി​യി​ല്ലാ​ത്ത​ത് നി​ര​വ​ധി ക​ക്ഷി​ക​ൾ​ക്ക് പ്ര​യാ​സ​മു​ണ്ടാ​ക്കു​ന്നു. കൊ​യി​ലാ​ണ്ടി കോ​ര​പ്പു​ഴ മു​ത​ൽ വ​ട​ക​ര അ​ഴി​യൂ​ർ ഉ​ൾ​പ്പെ​ടെ​യു​ള്ള പ്ര​ദേ​ശ​ങ്ങ​ളി​ൽ കു​ടും​ബാം​ഗ​ങ്ങ​ൾ ത​മ്മി​ലു​ള്ള ത​ർ​ക്ക​പ​രി​ഹാ​ര​ത്തി​ന് വ​ട​ക​ര ആ​സ്ഥാ​ന​മാ​യു​ള്ള കോ​ട​തി​യാ​ണ് ജ​ഡ്ജി ഇ​ല്ലാ​ത്ത​തു കാ​ര​ണം പ്ര​ശ്ന​ങ്ങ​ളി​ൽ​പെ​ട്ട് ഉ​ഴ​ലു​ന്ന​ത്.

ആ​റു​മാ​സ കാ​ല​ത്തി​ല​ധി​ക​മാ​യ് ഇ​വി​ടെ ജ​ഡ്ജി​യി​ല്ല. അ​തി​നാ​ൽ, ഈ ​കോ​ട​തി​യി​ൽ സ​മ​ർ​പ്പി​ച്ച മി​ക്ക കേ​സു​ക​ളും തീ​ർ​പ്പാ​ക്കാ​തെ കി​ട​ക്കു​ക​യാ​ണ്. നേ​ര​ത്തേ ത​ല​ശ്ശേ​രി, കു​റ്റ്യാ​ടി, നാ​ദാ​പു​രം, ക​ക്ക​ട്ട്, ക​ല്ലാ​ച്ചി ഉ​ൾ​പ്പെ​ടെ വ​ലി​യൊ​രു ഭൂ​പ്ര​ദേ​ശം വ​ട​ക​ര കോ​ട​തി​യു​ടെ കീ​ഴി​ലാ​വു​ക​യും കേ​സു​ക​ൾ കു​ന്നോ​ളം കെ​ട്ടി​ക്കി​ട​ക്കു​ക​യും ചെ​യ്ത​തോ​ടെ നാ​ദാ​പു​ര​ത്ത് ഒ​രു കോ​ട​തി സ്ഥാ​പി​ച്ചി​രു​ന്നു.

മ​റ്റ് കോ​ട​തി​ക​ളി​ലെ ത​ർ​ക്ക​ങ്ങ​ളി​ൽ തീ​ർ​പ്പു​ണ്ടാ​കാ​തെ കി​ട​ക്കു​മ്പോ​ൾ ക​ക്ഷി​ക​ൾ​ക്ക് സാ​മ്പ​ത്തി​ക ന​ഷ്ട​മാ​ണ് പ്ര​ധാ​ന​മെ​ങ്കി​ൽ, കു​ടും​ബ കോ​ട​തി​ക​ളി​ലെ ത​ർ​ക്ക​ങ്ങ​ളി​ൽ കു​രു​ങ്ങി അ​സ്ത​മി​ക്കു​ന്ന​ത് ജ​ന​ങ്ങ​ളു​ടെ ജീ​വി​ത​മാ​ണെ​ന്ന് കേ​സി​ൽ പ്ര​യാ​സ​മ​നു​ഭ​വി​ക്കു​ന്ന​വ​ർ ചൂ​ണ്ടി​ക്കാ​ട്ടു​ന്നു.

പു​തി​യ ജ​ഡ്ജി​യു​ടെ നി​യ​മ​ന​മു​ണ്ടാ​യാ​ലും കെ​ട്ടി​ക്കി​ട​ക്കു​ന്ന കേ​സു​ക​ൾ അ​ന​വ​ധി​യു​ള്ള​തി​നാ​ൽ തീ​ർ​പ്പു​ണ്ടാ​ക്കു​ക എ​ളു​പ്പ​മ​ല്ല. കു​ടും​ബ ത​ർ​ക്ക​ങ്ങ​ളു​ടെ അ​ടി​സ്ഥാ​ന​ത്തി​ൽ ന​ൽ​കു​ന്ന കേ​സു​ക​ളി​ൽ ചി​ല​തെ​ല്ലാം കൗ​ൺ​സ​ലി​ങ്ങി​ലൂ​ടെ തീ​ർ​പ്പാ​ക്കാ​റു​ണ്ടെ​ങ്കി​ലും പ​ല​തും വി​വാ​ഹ​മോ​ച​ന കേ​സി​ലേ​ക്ക് ത​ന്നെ പോ​വു​ക​യാ​ണ് പ​തി​വ്.

ഒ​രു വി​വാ​ഹ​മോ​ച​ന കേ​സി​ന്റെ കൂ​ടെ മ​റ്റ് കേ​സു​ക​ളും സാ​ധാ​ര​ണ​മാ​ണ്. വി​വാ​ഹ​സ​മ​യ​ത്ത് ന​ൽ​കി​യ സ്ത്രീ​ധ​നം, ആ​ഭ​ര​ണ​ങ്ങ​ൾ, ഭാ​ര്യ​ക്കും മ​ക്ക​ൾ​ക്കും ചെ​ല​വി​ന് ന​ൽ​ക​ൽ, ഗാ​ർ​ഹി​ക പീ​ഡ​നം തു​ട​ങ്ങി​യ കേ​സു​ക​ളും ഇ​തി​ന് അ​നു​ബ​ന്ധ​മാ​യി നി​ല​നി​ൽ​ക്കും.

ഇ​തെ​ല്ലാം വി​ചാ​ര​ണ ചെ​യ്തു വി​ധി​വ​രു​മ്പോ​ഴേ​ക്കും സ​മ്മ​ർ​ദം കാ​ര​ണം സ്ത്രീ​ക​ളും കു​ട്ടി​ക​ളും മാ​ന​സി​ക​മാ​യ് ത​ക​ർ​ന്നു​പോ​വു​ന്ന അ​വ​സ്ഥ​യു​ണ്ട്. കു​ടും​ബ​ത​ർ​ക്ക​ങ്ങ​ൾ ഉ​ണ്ടാ​വു​മ്പോ​ൾ പൊ​ലീ​സ് സ്റ്റേ​ഷ​നി​ൽ ര​ജി​സ്റ്റ​ർ ചെ​യ്യ​പ്പെ​ടു​ന്ന ക്രി​മി​ന​ൽ കേ​സ് ന​ട​പ​ടി​ക്ര​മ​ങ്ങ​ൾ പ​രി​ഹ​രി​ച്ചു മാ​ത്ര​മേ കു​ടും​ബ​കോ​ട​തി​യി​ൽ കേ​സ് വി​ചാ​ര​ണ​ക്കെ​ടു​ക്ക​യു​ള്ളൂ.

വി​ചാ​ര​ണ പൂ​ർ​ത്തി​യാ​ക്കി​യ കേ​സു​ക​ളി​ൽ വി​ധി പ്ര​ഖ്യാ​പി​ക്കാ​ത്ത​തും പ്ര​യാ​സം സൃ​ഷ്ടി​ക്കു​ന്നു. താ​ലൂ​ക്കി​ൽ ഓ​രോ കു​ടും​ബ​കോ​ട​തി​ക​ൾ സൗ​ക​ര്യ​പ്ര​ദ​മാ​യ സ്ഥ​ല​ത്ത് സ്ഥാ​പി​ച്ച്, ആ​വ​ശ്യ​ത്തി​ന് ജീ​വ​ന​ക്കാ​രെ​യും നി​യ​മി​ച്ച് പ്ര​ശ്ന​പ​രി​ഹാ​രം കാ​ണ​ണ​മെ​ന്ന് ജ​നം ആ​വ​ശ്യ​പ്പെ​ടു​ന്നു. സ്ഥി​രം ജ​ഡ്ജി​മാ​രെ നി​യ​മി​ച്ചാ​ൽ മാ​ത്ര​മേ പ്ര​ശ്നം തീ​രു​ക​യു​ള്ളൂ.