കോ​ഴി​ക്കോ​ട് കെ.എസ്.ആർ.ടി.സി ടെർമിനൽ ആരുടെ കൈവശം?

കോ​ഴി​ക്കോ​ട്: ന​ഗ​ര​ത്തി​ൽ വ​ർ​ഷ​ങ്ങ​ളാ​യി നോ​ക്കു​കു​ത്തി​യാ​യി​നി​ൽ​ക്കു​ന്ന കെ.​ആ​ർ.​ടി.​സി ബ​സ് സ്റ്റാ​ൻ​ഡ്​ ടെ​ർ​മി​ന​ൽ ആ​രു​ടെ കൈ​വ​ശ​മാ​ണെ​ന്ന് വ്യ​ക്ത​മാ​ക്കി ഉ​ട​ൻ റി​പ്പോ​ർ​ട്ട് സ​മ​ർ​പ്പി​ക്ക​ണ​മെ​ന്ന് ഹൈ​കോ​ട​തി. ടെ​ർ​മി​ന​ൽ പാ​ട്ട​ത്തി​നെ​ടു​ത്ത അ​ലി​ഫ് ബി​ൽ​ഡേ​ഴ്സ് കെ​ട്ടി​ടം ബ​ല​പ്പെ​ടു​ത്തി കൈ​മാ​റ​ണ​മെന്നുമാ​വ​ശ്യ​പ്പെ​ട്ട് ന​ൽ​കി​യ കേ​സ് പ​രി​ഗ​ണി​ക്കു​ന്ന​തി​നി​ടെ​യാ​ണ് കോ​ട​തി നി​ർ​ദേ​ശം. കേ​സ് അ​ടു​ത്ത മേ​യ് 21ന് ​വീ​ണ്ടും പ​രി​ഗ​ണി​ക്കും. അ​തി​ന് മു​മ്പ് ചീ​ഫ് സെ​ക്ര​ട്ട​റി കേ​സി​ലെ ക​ക്ഷി​ക​ളാ​യ കെ.​എ​സ്.​ആ​ർ.​ടി.​സി, കെ.​ടി.​ഡി.​എ​ഫ്.​സി, പ​രാ​തി​ക്കാ​ർ എ​ന്നി​വ​രു​ടെ സം​യു​ക്ത​യോ​ഗം വി​ളി​ച്ച് കൈ​വ​ശാ​വ​കാ​ശം സം​ബ​ന്ധി​ച്ച് റി​പ്പോ​ർ​ട്ട് ന​ൽ​ക​ണം. ടെ​ർ​മി​ന​ൽ ആ​രു​ടെ കൈ​വ​ശ​മാ​ണെ​ന്ന​ത് സം​ബ​ന്ധി​ച്ച് ത​ർ​ക്കം നി​ല​നി​ൽ​ക്കു​ന്നു​ണ്ടെ​ന്ന നി​ഗ​മ​ന​ത്തി​ന്‍റെ അ​ടി​സ്ഥാ​ന​ത്തി​ലാ​ണ് ഹൈ​കോ​ട​തി നി​ർ​ദേ​ശം. പാ​ട്ട​ത്തി​നെ​ടു​ത്ത കെ​ട്ടി​ടം കെ.​ടി.​ഡി.​എ​ഫ്.​സി ന​ട​ത്തി​പ്പി​നാ​യി ത​ങ്ങ​ൾ​ക്ക് കൈമാ​റി​യി​ട്ടി​ല്ലെ​ന്നും എ​ൻ.​ഐ.​ടി സം​ഘം ബ​ല​ക്ഷ​യ​മു​ണ്ടെ​ന്ന് ക​ണ്ടെ​ത്തി​യ കെ​ട്ടി​ടം ബ​ലപ്പെ​ടു​ത്തി കൈ​മാ​റ​ണ​മെ​ന്നു​മാ​യി​രു​ന്നു അ​ലി​ഫി​ന്റെ വാ​ദം. എ​ന്നാ​ൽ, 2021 ആ​ഗ​സ്റ്റ് 26ന് ​കാ​രാ​റി​ൽ ഒ​പ്പി​ട്ട​പ്പോ​ൾ ത​ന്നെ കെ​ട്ടി​ട കൈ​മാ​റ്റം ന​ട​ന്നി​ട്ടു​ണ്ടെ​ന്നും ഇ​തി​ന്റെ ഭാ​ഗ​മാ​യി ക​രാ​ർ ഒ​പ്പു​വെ​ക്കു​ന്ന​തി​നും എ​ട്ടു​ദി​വ​സം മു​മ്പ് പ​രാ​തി​ക്കാ​രാ​യ ക​രാ​റു​കാ​ർ ടെ​ർ​മി​ന​ലി​ൽ​നി​ന്ന് പാ​ർ​ക്കി​ങ് ഫീ​സ് ഈ​ടാ​ക്കി​ത്തു​ട​ങ്ങി​യി​ട്ടു​ണ്ടെ​ന്നും കെ.​ടി.​ഡി.​എ​ഫ്.​സി കോ​ട​തി​യെ അ​റി​യി​ച്ചി​രു​ന്നു.

തു​ട​ർ​ന്നാ​ണ് കൈ​വ​ശാ​വ​കാ​ശം സം​ബ​ന്ധി​ച്ച് ത​ർ​ക്ക​മു​ള്ള​താ​യി കോ​ട​തി വി​ല​യി​രു​ത്തി​യ​ത്. കോ​ട​തി ന​ട​പ​ടി​ക​ൾ ഒ​ന്നാം നി​ല​യി​ൽ പ്ര​വ​ർ​ത്തി​ക്കു​ന്ന കി​യോ​സ്കു​ക​ളു​ടെ പ്ര​വ​ർ​ത്ത​ന​ത്തെ ബാ​ധി​ക്ക​രു​തെ​ന്നും കോ​ട​തി നി​ർ​ദേ​ശി​ച്ചി​രു​ന്നു. ടെ​ർ​മി​ന​ലി​ൽ ബ​സ് സ്റ്റാ​ൻ​ഡ് പ്ര​വ​ർ​ത്തി​ക്കു​ന്ന ഒ​ന്നാം നി​ല ഒ​ഴി​കെ​യു​ള്ള ഭാ​ഗ​ങ്ങ​ളാ​ണ് അ​ലി​ഫി​ന് പാ​ട്ട​ത്തി​ന് കൈ​മാ​റി​യ​ത്. എ​ന്നാ​ൽ അ​ലി​ഫി​ന് കെ​ട്ടി​ടം കൈ ​മാ​റി​യ​തി​നു പി​ന്നാ​ലെ ഒ​ന്നാം നി​ല​യി​ൽ പ്ര​വ​ർ​ത്തി​ക്കു​ന്ന കി​യോ​സ്കു​ക​ൾ പൊ​ളി​ച്ചു​നീ​ക്കി​യി​രു​ന്നു. പി​ന്നീ​ട് ഇ​ക്ക​ഴി​ഞ്ഞ ഒ​ക്ടോ​ബ​റി​ലാ​ണ് കി​യോ​സ്കു​ക​ൾ പു​ന​രാ​രം​ഭി​ച്ച​ത്. കി​യോ​സ്കു​ക​ളു​ടെ പ്ര​വ​ർ​ത്ത​നം ത​ട​യ​ണ​മെ​ന്നും അ​ലി​ഫ് കോ​ട​തി​യി​ൽ ആ​വ​ശ്യ​പ്പെ​ട്ടി​രു​ന്നു.

ബ​ല​ക്ഷ​യ​മു​ണ്ടെ​ന്ന് ക​ണ്ടെ​ത്തി​യ കെ​ട്ടി​ടം ബ​ല​പ്പെ​ടു​ത്താ​ൻ 30 കോ​ടി​യോ​ളം വേ​ണ്ടി​വ​രു​മെ​ന്ന്​ ഐ.​ഐ.​ടി സം​ഘം നി​ർ​ദേ​ശി​ച്ചി​രു​ന്നു. അ​ന്ന​ത്തെ ഗ​താ​ഗ​ത മ​ന്ത്രി ആ​ന്‍റ​ണി രാ​ജു​വി​ന്റെ അ​ധ്യ​ക്ഷ​ത​യി​ൽ ചേ​ർ​ന്ന യോ​ഗ​ത്തി​ൽ കെ​ട്ടി​ടം നി​ർ​മി​ച്ച കെ.​ടി.​ഡി.​എ​ഫ്.​സി ത​ന്നെ അ​ലി​ഫി​ന് കെ​ട്ടി​ടം ബ​ല​പ്പെ​ടു​ത്തി ന​ൽ​കു​മെ​ന്ന് ക​രാ​റു​കാ​ർ​ക്ക് ഉ​റ​പ്പു ന​ൽ​കി​യി​രു​ന്നു. ഇ​തി​ന് പ​ണം ക​ണ്ടെ​ത്താ​നാ​യി കെ.​എ​സ്.​ആ​ർ.​ടി.​സി.​യു​ടെ ഭൂ​മി കെ.​ടി.​ഡി.​എ​ഫ്.​സി​ക്ക് കൈ​മാ​റി പ​ണ​യം വെ​ക്കാ​നും തീ​രു​മാ​മാ​യി. ബ​ല​പ്പെ​ടു​ത്ത​ൽ പ്ര​വൃ​ത്തി​ക്ക് ചെ​ന്നൈ ആ​സ്ഥാ​ന​മാ​യ ക​മ്പ​നി​ക്ക് ടെ​ൻ​ഡ​ർ ന​ൽ​കു​ക​യും ചെ​യ്തു. ഭൂ​മി കൈ​മാ​റ​ൽ ന​ട​പ​ടി നീ​ളു​ന്ന​തി​നി​ടെ കെ​ട്ടി​ടം ഉ​ട​ൻ ബ​ല​പ്പെ​ടു​ത്തി കൈ​മാ​റ​ണം എ​ന്നാ​വ​ശ്യ​പ്പെ​ട്ട് അ​ലി​ഫ് ഹൈ​കോ​ട​തി​യെ സ​മീ​പി​ച്ചു. സ​ർ​ക്കാ​റി​ന്റെ മൗ​നാ​നു​വാ​ദ​ത്തോ​ടെ​യാ​ണ് ത​ങ്ങ​ൾ കോ​ട​തി​യെ സ​മീ​പി​ച്ചി​രു​ന്ന​തെ​ന്ന് അ​ലി​ഫ് പ്ര​തി​നി​ധി​ക​ൾ ത​ന്നെ പ​റ​യു​ന്നു. അ​തി​നി​ടെ, കെ.​ടി.​ഡി.​എ​ഫ്.​സി എം.​ഡി​യും ഗ​താ​ഗ​ത മ​ന്ത്രി​യും മാ​റി​യ​തോ​ടെ കാ​ര്യ​ങ്ങ​ൾ കീ​ഴ്മേ​ൽ മ​റി​ഞ്ഞു. കെ​ട്ടി​ടം നി​ല​വി​ലെ അ​വ​സ്ഥ​യി​ലാ​ണ് കൈ​മാ​റി​യ​തെ​ന്നും ബ​ല​പ്പെ​ടു​ത്ത​ൽ പാ​ട്ട​ത്തി​നെ​ടു​ത്ത​വ​രു​ടെ ഉ​ത്ത​ര​വാ​ദി​ത്ത​മാ​ണെ​ന്നും കെ.​ടി.​ഡി.​എ​ഫ്.​സി കോ​ട​തി​യെ അ​റി​യി​ക്കു​ക​യാ​യി​രു​ന്നു. മ​ന്ത്രി കോ​ഴി​ക്കോ​ട് എ​ത്തി​യ​പ്പോ​ഴും ഈ ​നി​ല​പാ​ട് ആ​വ​ർ​ത്തി​ച്ചി​രു​ന്നു.