പള്ളിയത്ത്​ പട്ടാപ്പകൽ കാട്ടുപന്നിയുടെ വിളയാട്ടം; ഒ​രു ക​ടയിലെ ഗ്ലാസ് വാതിൽ തകർത്തു

കു​റ്റ്യാ​ടി: വേ​ളം പ​ള്ളി​യ​ത്ത്​ പ​ട്ടാ​പ്പ​ക​ൽ കാ​ട്ടു​പ​ന്നി​ക​ളു​ടെ വി​ള​യാ​ട്ടം. അ​ങ്ങാ​ടി​യി​ൽ ഇ​റ​ങ്ങി​യ നാ​ല്​ പ​ന്നി​ക​ളി​ലൊ​ന്ന്​ കൂ​ട്ടം​തെ​റ്റി ക​ട​ക്ക​ക​ത്ത്​ ക​യ​റി നാ​ശ​ന​ഷ്ടം വ​രു​ത്തി. കഴിഞ്ഞ ദിവസം രാ​വി​ലെ 11ന്​ ​ആ​യ​ഞ്ചേ​രി റോ​ഡി​ലു​ള്ള കി​ഴ​ക്കേ​പ​റ​മ്പ​ത്ത്​ ഇ​ബ്രാ​ഹീ​മി​ന്റെ സി​മ​ന്റ്​ ക​ട​യി​ൽ പാ​ഞ്ഞു​ക​യ​റി​യാ​ണ് ഗ്ലാ​സ് വാതിൽ ത​ക​ർ​ത്ത​ത്. അ​ക​ത്തു​ണ്ടാ​യി​രു​ന്ന പാ​ർ​ട്​​ണ​ർ അ​ബ്​​ദു​ല്ല ത​ന്ത്ര​ത്തി​ൽ പു​റ​ത്തു​ക​ട​ന്നു. പ​ന്നി​യെ പി​ടി​കൂ​ടാ​ൻ ആ​ൾ​ക്കൂ​ട്ടം ന​ട​ത്തി​യ ശ്ര​മം വി​ജ​യി​ച്ചി​ല്ല. ഏ​താ​നും നി​മി​ഷം നാ​ട്ടു​കാ​രെ മു​ൾ​മു​ന​യി​ലാ​ക്കി​യ​ശേ​ഷം കു​ത​റി​യോ​ടി​യ പ​ന്നി വ​ന​പ്ര​ദേ​ശ​ത്തേ​ക്കാ​ണ്​ പോ​യ​ത്. പ്ര​ദേ​ശ​ത്ത്​ സ്ഥാ​പി​ച്ച പൈ​പ്പ്​ ക​ൾ​വ​ർ​ട്ടി​നു​ള്ളി​ൽ പ​ന്നി​ക​ളു​ടെ താ​വ​ള​മു​ണ്ടെ​ന്ന്​ നാ​ട്ടു​കാ​ർ പ​റ​ഞ്ഞു. കാ​ടു​മൂ​ടി​യ മ​ണി​മ​ല​യാ​യി​രു​ന്നു കാ​ട്ടു​പ​ന്നി​ക​ളു​ടെ കേ​ന്ദ്ര​മെ​ങ്കി​ൽ ഇ​പ്പോ​ൾ ഒ​ട്ടേ​റെ എ​ണ്ണം നാ​ട്ടി​ലി​റ​ങ്ങി താ​വ​ള​മ​ടി​ക്കു​ക​യും നി​ര​വ​ധി പേ​രു​ടെ കാ​ർ​ഷി​ക​വി​ള​ക​ൾ ന​ശി​പ്പി​ക്കു​ക​യും ചെ​യ്യു​ന്ന​താ​യും പ​രാ​തി​യു​ണ്ട്.