ഉന്നത വിജയികളെ അനുമോദിച്ചു

കോഴിക്കോട്: ​വേങ്ങേരി ഹരിത റസിഡന്റ്സ് അസോസിയേഷൻ എസ്.എസ്.എൽ.സി/സി.ബി.എസ്.ഇ, പ്ലസ്ടു പരീക്ഷകളിൽ ഉന്നത വിജയം നേടിയ വിദ്യാർഥികളെ അനുമോദിച്ചു. മാധ്യമ പ്രവർത്തകനും എഴുത്തുകാരനുമായ മുസ്തഫ ഉദ്ഘാടനം നിർവഹിച്ചു. അസോസിയേഷൻ പ്രസിഡന്റ് രചന അധ്യക്ഷത വഹിച്ചു.

മുഹമ്മദ്‌ മെഹഫിൽ, അമൃത്, പ്രസിൻ ലാൽ, ശ്രീരാഗ്, ദേവ നാരായണൻ, അലൻ ജോഷി, ആര്യ നന്ദ, അംജാത് അമീൻ, അദ്വൈത്, നേഹ എന്നിവരെയാണ് അനുമോദിച്ചത്. കുട്ടികൾക്കും രക്ഷിതാക്കൾക്കുമായി ക്ലാസും ഉണ്ടായി. കുഞ്ഞിക്കോയ, വിജയരാഘവൻ എന്നിവർ സംസാരിച്ചു. അസോസിയേഷൻ സെക്രട്ടറി ഷിനുദാസ് സ്വാഗതവും വൈസ് പ്രസിഡന്റ് പി.ആർ വിനീത് നന്ദിയും അറിയിച്ചു.