അപകടത്തിൽ യുവതിക്ക് പരിക്ക്; മനുഷ്യാവകാശ കമീഷൻ കേസെടുത്തു

പ​ന്തീ​രാ​ങ്കാ​വ്: ദേ​ശീ​യ​പാ​ത നി​ർ​മാ​ണ​ത്തി​നി​ടെ ജോ​ലി​ക്കാ​രു​ടെ അ​ശ്ര​ദ്ധ കാ​ര​ണം വാ​ഹ​നാ​പ​ക​ട​ത്തി​ൽ പ​രി​ക്കേ​റ്റ യു​വ​തി​ക്ക് ഗ​ർ​ഭഛി​ദ്ര​മു​ണ്ടാ​യ സം​ഭ​വ​ത്തി​ൽ മ​നു​ഷ്യാ​വ​കാ​ശ ക​മീ​ഷ​ൻ സ്വ​മേ​ധ​യാ കേ​സെ​ടു​ത്തു. ക​ഴി​ഞ്ഞ ദി​വ​സ​ത്തെ ‘മാ​ധ്യ​മം’ വാ​ർ​ത്ത​യെ തു​ട​ർ​ന്നാ​ണ് ന​ട​പ​ടി. ജോ​ലി​ക്കാ​ർ ചു​മ​ലി​ലേ​റ്റി പോ​വു​ക​യാ​യി​രു​ന്ന ക​മ്പി മു​ഖ​ത്ത് കു​ത്തി ഒ​രു മാ​സം ഗ​ർ​ഭി​ണി​യാ​യ പ​ന്തീ​രാ​ങ്കാ​വ് സ്വ​ദേ​ശി​നി ഇ​ർ​ഷ​ദ് ലു​ലു (30) സ്കൂ​ട്ട​റി​ൽ നി​ന്നും വീ​ഴു​ക​യാ​യി​രു​ന്നു. കാ​ലെ​ല്ല് പൊ​ട്ടി ശ​സ്ത്ര​ക്രി​യ​ക്ക് വി​ധേ​യ​യാ​യ യു​വ​തി​ക്ക് ഗ​ർ​ഭഛി​ദ്രം സം​ഭ​വി​ച്ചു. ദേ​ശീ​യ​പാ​ത നി​ർ​മാ​ണ ക​മ്പ​നി അ​പ​ക​ട​ത്തി​ന് യു​വ​തി​യെ കു​റ്റ​പ്പെ​ടു​ത്തി​യ​തി​നെ തു​ട​ർ​ന്ന് പ​ന്തീ​രാ​ങ്കാ​വ് പൊ​ലീ​സി​ൽ പ​രാ​തി ന​ൽ​കി​യി​രു​ന്നു.

ദേ​ശീ​യ​പാ​ത അ​തോ​റി​റ്റി പ്രോ​ജ​ക്ട് ഡ​യ​റ​ക്ട​റും ജി​ല്ല പൊ​ലീ​സ് മേ​ധാ​വി​യും 15 ദി​വ​സ​ത്തി​ന​കം റി​പ്പോ​ർ​ട്ട് സ​മ​ർ​പ്പി​ക്ക​ണ​മെ​ന്ന് ക​മീ​ഷ​ൻ ജു​ഡീ​ഷ്യ​ൽ അം​ഗം കെ. ​ബൈ​ജു​നാ​ഥ് ആ​വ​ശ്യ​പ്പെ​ട്ടു. കേ​സ് ഫെ​ബ്രു​വ​രി 21ന് ​പ​രി​ഗ​ണി​ക്കും. ന​ഗ​ര​സ​ഭ​യു​ടെ സ്ഥ​ലം കൈ​യേ​റി സ്വ​കാ​ര്യ​വ്യ​ക്തി മ​തി​ൽ നി​ർ​മി​ച്ചി​ട്ടും പൊ​ളി​ച്ചു​നീ​ക്കാ​ൻ ത​യാ​റാ​കാ​ത്ത ന​ഗ​ര​സ​ഭ​ക്ക് നോ​ട്ടീ​സ് അ​യ​ക്കാ​നും ക​മീ​ഷ​ൻ തീ​രു​മാ​നി​ച്ചി​ട്ടു​ണ്ട്. പൊ​റ്റ​മ്മ​ൽ എ​ര​വ​ത്തു​കു​ന്ന് ഐ.​ടി.​ഐ​ക്ക് സ​മീ​പ​മാ​ണ് ഒ​രു മീ​റ്റ​റോ​ളം സ്ഥ​ലം കൈ​യേ​റി മൂ​ന്നു വ​ർ​ഷം മു​മ്പ് പ​രി​സ​ര​വാ​സി മ​തി​ൽ നി​ർ​മി​ച്ച​ത്. ന​ഗ​ര​സ​ഭ സ്റ്റോ​പ് മെ​മ്മോ ന​ൽ​കി​യി​ട്ടും ഇ​വി​ടെ നി​ർ​മാ​ണം പൂ​ർ​ത്തി​യാ​ക്കി​യി​രു​ന്നു. 15 ദി​വ​സ​ത്തി​ന​കം കോ​ഴി​ക്കോ​ട് ന​ഗ​ര​സ​ഭ സെ​ക്ര​ട്ട​റി വി​ശ​ദീ​ക​ര​ണം ഹാ​ജ​രാ​ക്ക​ണ​മെ​ന്നാ​ണ് ക​മീ​ഷ​ൻ ആ​വ​ശ്യ​പ്പെ​ട്ട​ത്.