പാലിയേറ്റിവ് ക്ലിനിക് വാഹനത്തിന്‍റെ സൈലൻസർ മോഷ്ടിച്ചു

വണ്ടൂർ: പാലിയേറ്റിവ് ക്ലിനിക് വാഹനത്തിന്‍റെ സൈലൻസർ മോഷണം പോയി. ക്ലിനിക്കിന്‍റെ ഷെഡിൽ നിർത്തിയിട്ട മാരുതി ഈക്കോയുടെ സൈലൻസറാണ് കഴിഞ്ഞ ദിവസം മോഷണം പോയത്. രാവിലെ പതിവുപോലെ വാഹനമെടുത്തപ്പോഴാണ് മോഷണവിവരം അറിയുന്നത്. സൈലൻസറിന് ഏകദേശം 80,000 രൂപയോളം വിലവരും. പ്രദേശത്ത് ഇതിന്​ മുമ്പ് രണ്ട്​ വാഹനങ്ങളുടെ സൈലൻസറുകൾ ഇത്തരത്തിൽ മോഷണം പോയതായി പൊലീസ് പറഞ്ഞു. പാലിയേറ്റിവ് അധികൃതർ പൊലീസിൽ പരാതി നൽകിയതിന്‍റെ അടിസ്ഥാനത്തിൽ അന്വേഷണം ആരംഭിച്ചു.