അംഗന്‍വാടി കെട്ടിടം സമർപ്പിച്ചു

പള്ളിക്കല്‍: കൊണ്ടോട്ടി ബ്ലോക്ക് പഞ്ചായത്ത് പള്ളിക്കല്‍ ഗ്രാമപഞ്ചായത്തിലെ 20ാം വാര്‍ഡില്‍ പുന്നൊടി അംഗന്‍വാടിക്കായി നിര്‍മിച്ച പി.ടി. മുഹമ്മദ് കുട്ടി സ്മാരക കെട്ടിടം സമര്‍പ്പിച്ചു. പ്രദേശവാസിയായ പി.ടി. അബ്ദുല്‍ ജബ്ബാര്‍ സൗജന്യമായി നല്‍കിയ ഭൂമിയില്‍ 12 ലക്ഷം രൂപ ചെലവിലാണ് കെട്ടിടം ഒരുക്കിയത്. പ്രസിഡന്റ് വി.പി. ഷെജിനി ഉണ്ണി ഉദ്ഘാടനം ചെയ്തു. ഗ്രാമപഞ്ചായത്ത് പ്രസിഡന്റ് സി. മുഹമ്മദ് അലി അധ്യക്ഷത വഹിച്ചു. ബ്ലോക്ക് പഞ്ചായത്ത് സ്ഥിരം സമിതി അധ്യക്ഷന്‍ വി.പി. അബ്ദു ഷുക്കൂര്‍, കെ. ഹാരിഫ ടീച്ചര്‍, എം. മെഹറുന്നീസ, പി.കെ. ജയശ്രീ, മുസ്തഫ പള്ളിക്കല്‍, പി. ശറഫുദ്ദീന്‍, കെ. അലവി, ടി. മൂസ, സി. കുഞ്ഞിമൊയ്തീന്‍, സി. അനീഷ് ബാബു, പി.ടി. റഫീഖ്, കെ.എം. റാഫി, കെ.പി. അര്‍ഷാദ് തുടങ്ങിയവര്‍ സംബന്ധിച്ചു. mt kdy 1 anganvadi പള്ളിക്കല്‍ പുന്നൊടി അംഗന്‍വാടിക്കായി നിര്‍മിച്ച പി.ടി. മുഹമ്മദ് കുട്ടി സ്മാരക കെട്ടിടം കൊണ്ടോട്ടി ബ്ലോക്ക് പഞ്ചായത്ത് പ്രസിഡന്റ് വി.പി. ഷെജിനി ഉണ്ണി ഉദ്ഘാടനം ചെയ്യുന്നു