പ്രതിഷ്ഠ ദിനാഘോഷം

താനൂർ: പുത്തൻതെരു മഹാഗണപതി ക്ഷേത്രത്തിലെ പ്രതിഷ്ഠദിനാഘോഷം വ്യാഴാഴ്ച നടക്കും. അഷ്ടദ്രവ്യ മഹാഗണപതി ഹോമം, ശുദ്ധികലശം, നവഗം, പഞ്ചഗവ്യം, ബ്രഹ്മരക്ഷസിനുള്ള പൂജകൾ എന്നിവ തന്ത്രി കല്ലൂർ മനക്കൽ നാരായണൻ നമ്പൂതിരിപ്പാടിന്റെ കാർമികത്വത്തിൽ നടക്കും. ഉച്ചക്ക് 12 മുതൽ സമൂഹസദ്യ ഉണ്ടാകും. വൈകീട്ട്​ പാതിരാകുന്നത്ത് മനക്കൽ കൃഷ്ണകുമാർ നമ്പൂതിരിപ്പാടിന്റെ കാർമികത്വത്തിൽ സർപ്പദോഷങ്ങൾക്കുള്ള പൂജകളും സർപ്പബലിയും നടക്കും. മേൽശാന്തി ആതവനാട് വരക്കൽ ഇല്ലത്ത് വിഷ്ണു നമ്പൂതിരിപ്പാടിന്റെ സാന്നിധ്യത്തിലാണ് ചടങ്ങുകൾ.