ട്രെയിനിൽനിന്ന് മൂന്ന് വയസ്സുകാരിയെ പുറത്തേക്കെറിയാൻ യുവതിയുടെ ശ്രമം

യാത്രക്കാർ ചെറുത്ത് തോൽപ്പിച്ചു ചെറുതുരുത്തി: . യാത്രക്കാർ തടസ്സപ്പെടുത്തിയതിനെ തുടർന്ന് ശ്രമം നടന്നില്ല. എറണാകുളം-പാലക്കാട് മെമു വ്യാഴാഴ്ച വൈകീട്ട് അഞ്ചോടെ വടക്കാഞ്ചേരി റെയിൽവേ സ്‌റ്റേഷനിലെത്തിയപ്പോഴാണ് നാടകീയ സംഭവം. സ്റ്റേഷനിൽനിന്ന് ട്രെയിൻ എടുത്ത ഉടനെയാണ് കുട്ടിയെ എറിയാൻ ശ്രമിച്ചത്​. യാത്രക്കാർ യുവതിയെ പിടിച്ചുവെച്ച്​ റെയിൽവേ അധികൃതരെ വിവരമറിയിച്ചു. ട്രെയിൻ 5.15ന് വള്ളത്തോൾ നഗർ റെയിൽവേ സ്‌റ്റേഷനിലെത്തിയപ്പോൾ യുവതി ട്രെയിനിൽനിന്ന് ഇറങ്ങിയോടി പാളത്തിന് സമീപത്തെ കുറ്റിക്കാട്ടിലൊളിച്ചു. പിന്നാലെയെത്തിയ പൊലീസ് ഇവരെ കസ്റ്റഡിയിലെടുത്തു. തുടർന്ന് നടത്തിയ ചോദ്യംചെയ്യലിൽ തനിക്ക് ബംഗളൂരുവിലേക്കാണ് പോകേണ്ടതെന്നും ടിക്കറ്റ് കൈവശമുണ്ടെന്നും ട്രെയിൻ തെറ്റി കയറിയതാണെന്നും മൊഴി നൽകി. ഇവ​രുടെ നിർബന്ധപ്രകാരം രണ്ടുപേരെയും ഷൊർണൂർ റെയിൽവേ സ്റ്റേഷനിലെത്തിച്ചു.