സ്​കൂളിലെ ബാരിക്കേഡ്​ നശിപ്പിച്ച നിലയിൽ

ചെറുതുരുത്തി: ഗവ. എൽ.പി സ്​കൂളിൽ സർക്കാർ നിർദേശ പ്രകാരം കുട്ടികളുടെ സുരക്ഷക്ക്​ സ്ഥാപിച്ച ബാരിക്കേഡ് നശിപ്പിച്ച നിലയിൽ. കോവിഡിന് ശേഷം സ്​കൂൾ തുറന്നപ്പോളാണ്​ ഇവ സ്ഥാപിച്ചത്​. അടുക്കളയുടെ പൂട്ടും തകർത്തിട്ടുണ്ട്​. ചെറുതുരുത്തി പൊലീസ്​ കേസെടുത്ത് അന്വേഷണമാരംഭിച്ചു. ഇതിന് മുമ്പും സ്​കൂളിൻെറ അടുക്കള തകർത്ത് പല സാധനങ്ങളും മോഷ്​ടിച്ചിട്ടുണ്ട്​. കർശന നടപടി സ്വീകരിക്കുമെന്ന് പി.ടി.എ അറിയിച്ചു.