​ബൈക്കപകടത്തിൽ ഒരാൾ മരിച്ചു

PKD and TSR accident death raju 50 വടക്കഞ്ചേരി: ദേശീയപാത വഴുക്കുംപാറക്ക് സമീപം ബൈക്കപകടത്തിൽ ഒരാൾ മരിച്ചു. കണ്ണമ്പ്ര കല്ലിങ്കൽപ്പാടം കുളത്തിങ്കൽ വീട്ടിൽ വേലായുധ​ൻെറ മകൻ രാജു (51) ആണ് മരിച്ചത്. തിങ്കളാഴ്ച വൈകീട്ട്​ ആറോടെയാണ് അപകടം. തൃശൂർ മെട്രോപൊളിറ്റൻ ആശുപത്രിയിലെ ഡ്രൈവറായ രാജു ജോലി കഴിഞ്ഞ് ബൈക്കിൽ വരുമ്പോൾ വഴുക്കുംപാറക്ക്​ സമീപം നിയന്ത്രണം തെറ്റി മറിയുകയായിരുന്നു. റോഡിലേക്ക് വീണ രാജുവി​ൻെറ ശരീരത്തിലൂടെ ലോറി കയറിയിറങ്ങി. ഇടിച്ച വാഹനം നിർത്താതെ പോയി. മഴയും ദേശീയ പാതയോരത്തെ ചളിയുമാണ് ബൈക്ക് നിയന്ത്രണം തെറ്റാൻ കാരണമെന്ന് പറയുന്നു. ദേശീയപാതയിൽ സർവിസ് റോഡി​ൻെറ പണി നടക്കുന്നതിനാൽ ഈ ഭാഗത്ത് ചളി നിറഞ്ഞിരിക്കുന്നുണ്ട്. പീച്ചി പൊലീസ് കേസെടുത്തു. മൃതദേഹം തൃശൂർ ജില്ല ആശുപത്രി മോർച്ചറിയിൽ. ചൊവ്വാഴ്ച പോസ്​റ്റ്​മോർട്ടത്തിന് ശേഷം സംസ്കരിക്കും. മാതാവ്​: പരേതയായ തങ്ക. ഭാര്യ: ഷീജ. മക്കൾ: മന്യ, മനുരാജ്, മനീഷ.