വോട്ടർപട്ടികയിലെ അബദ്ധങ്ങൾ തിരുത്തണം -മുസ്​ലിം ലീഗ്

വള്ളിക്കുന്ന്: ഇലക്​ഷൻ കമീഷൻ പ്രസിദ്ധീകരിച്ച 2022 കരട് വോട്ടർ പട്ടികയിൽ അബദ്ധങ്ങളുടെ കൂടാരമെന്ന് മുസ്​ലിം ലീഗ്. ഒരേ കുടുംബത്തിലെ അംഗങ്ങൾ പട്ടികയിൽ പല ഭാഗങ്ങളായിട്ടാണ് ഉൾക്കൊള്ളിച്ചിട്ടുള്ളത്. പട്ടികയിലുണ്ടായിരുന്ന പലരെയും കരട് പട്ടികയിൽനിന്ന്​ വെട്ടിമാറ്റിയെന്നും അപാകത പരിഹരിച്ച് പുനഃപ്രസിദ്ധീകരിക്കണമെന്നും വള്ളിക്കുന്ന് മേഖല മുസ്​ലിം ലീഗ് കമ്മിറ്റി ആവശ്യപ്പെട്ടു. പ്രസിഡൻറ്​ കുന്നുമ്മൽ കോയ അധ്യക്ഷത വഹിച്ചു. കെ.പി. മുഹമ്മദ് ഉദ്ഘാടനം ചെയ്തു. കെ.പി. ആസിഫ് മഷ്ഹൂദ്, പി.പി. അബൂബക്കർ, കെ.വി. ബീരാൻകോയ, മൊയ്​തീൻകോയ കള്ളിയിൽ, എ. മജീദ്, സത്താർ ആനങ്ങാടി, വി.പി. അബൂബക്കർ, പി. ഇബ്രാഹിം, കെ.പി. ഹനീഫ, സത്താർ ആനങ്ങാടി, എ. ലിയാഖത്ത് അലി, കെ.പി. ഷാഫി എന്നിവർ സംസാരിച്ചു.