മില്‍മ ഉൽപന്നങ്ങള്‍ വിലക്കുറവില്‍ വാങ്ങാന്‍ അവസരം

മലപ്പുറം: തെരഞ്ഞെടുക്കപ്പെട്ട മില്‍മ ഉൽപന്നങ്ങള്‍ ഡിസ്‌കൗണ്ട് നിരക്കില്‍ ഇന്നുകൂടി വാങ്ങാം. ദേശീയ ക്ഷീര ദിനാഘോഷത്തി​ൻെറയും ധവള വിപ്ലവത്തി​ൻെറയും പിതാവായ ഡോ. വര്‍ഗീസ് കുര്യ​ൻെറയും ജന്മശതാബ്​ദി വര്‍ഷാഘോഷത്തി​ൻെറയും ഭാഗമായാണ് വിലക്കുറവ്. പെരിന്തല്‍മണ്ണ കെ.എസ്.ആര്‍.ടി.സി ഫുഡ് ട്രക്ക്, മലപ്പുറം കലക്ടറേറ്റ് ബംഗ്ലാവി​ൻെറ മുന്‍വശത്തുള്ള മില്‍മ പാര്‍ലര്‍, നിലമ്പൂര്‍ ചില്ലിങ് പ്ലാൻറ്​, തിരൂര്‍, ചെമ്മാട് എന്നിവിടങ്ങളിലെ മില്‍മ പാര്‍ലര്‍ എന്നിവിടങ്ങളിലാണ് ഡിസ്​കൗണ്ട്​ ലഭിക്കുക. ഈ സൗകര്യം പരമാവധി പ്രയോജനപ്പെടുത്തണമെന്ന് മലപ്പുറം ​െഡയറി മാനേജർ മാത്യു വർഗീസ് അറിയിച്ചു.