മ്യൂസിയം റോഡിലെ ആറ്​ അനധികൃത കച്ചവടങ്ങൾ പൊളിച്ചുനീക്കി

തൃശൂർ: മ്യൂസിയം റോഡിലെ ആറ്​ അനധികൃത വഴിയോര കച്ചവട സ്ഥാപനങ്ങൾ കോർപറേഷൻ പൊളിച്ചു നീക്കി. 1983 മുതൽ പ്രവർത്തിച്ച്​ വരുന്നവയാണിവ. ചൊവ്വാഴ്​ച രാവിലെയാണ്​ സംഭവം. കഴിഞ്ഞ ദിവസം റോഡിൽ കനത്ത ഗതാഗതക്കുരുക്ക്​ അനുഭവപ്പെട്ടിരുന്നു. ഗതാഗതക്കുരുക്ക്​ സൃഷ്​ടിക്കുന്ന സ്ഥാപനങ്ങൾ പൊളിക്കണമെന്ന്​ പൊലീസ്​ ആവശ്യപ്പെട്ടിരുന്നു. തുടർന്ന്​ കോർപറേഷൻ അധികൃതർ പൊളിക്കാൻ അനുവാദം നൽകുകയായിരുന്നു. jn tue 01 തൃശൂർ മൃഗശാലക്ക്​ മുന്നിലെ വഴിയോരക്കച്ചവട കേന്ദ്രങ്ങൾ കോർപറേഷൻ അധികൃതരുടെ നേതൃത്വത്തിൽ പൊളിച്ചു മാറ്റുന്നു