ആരോഗ്യ കാമ്പയിൻ

ചങ്ങരംകുളം: 'ആരോഗ്യമുള്ള ജനത, ആരോഗ്യമുള്ള രാഷ്​ട്രം' എന്ന തലക്കെട്ടിൽ പോപുലർഫ്രണ്ട് ഓഫ് ഇന്ത്യ ദേശവ്യാപകമായി സംഘടിപ്പിക്കുന്ന ആരോഗ്യ കാമ്പയിനി​ൻെറ ഭാഗമായി ചങ്ങരംകുളത്ത് കൂട്ടയോട്ടവും യോഗപ്രദർശനവും സംഘടിപ്പിച്ചു. പോപുലർ ഫ്രണ്ട് ആലംകോട് ഏരിയ കമ്മിറ്റിയുടെ നേതൃത്വത്തിൽ നടന്ന കൂട്ടയോട്ടം ചങ്ങരംകുളം ഡിവിഷൻ പ്രസിഡൻറ്​ റഫീഖ് മാന്തടം ഏരിയ സെക്രട്ടറി റഫീഖ് കുട്ടിപ്പാലക്ക് ഫ്ലാഗ് നൽകി ഉദ്​ഘാടനം ചെയ്തു. ചങ്ങരംകുളത്ത് ആരംഭിച്ച കൂട്ടയോട്ടം പന്താവൂരിൽ സമാപിച്ചു. തുടർന്ന് യോഗപ്രദർശനം നടന്നു. എടപ്പാൾ ആയുർ ഗ്രീൻ ആയുർവേദ ആശുപത്രി മാനേജിങ് ഡയറക്ടർ ഡോ. ഹബീബുള്ള ആരോഗ്യ ക്ലാസ്സ്‌ നൽകി. ഏരിയ പ്രസിഡൻറ്​ ബദറുദ്ദീൻ ഇർഫാനി, റഷീദ് പന്താവൂർ എന്നിവർ നേതൃത്വം നൽകി.