മതേതരത്വ സംരക്ഷണ സദസ്സും ഗാന്ധിയൻ പുരസ്കാര സമർപ്പണവും ഇന്ന്

തിരൂർ: കെ.പി.സി.സി ഗാന്ധി ദർശൻ സമിതി സംസ്ഥാന കമ്മിറ്റിയുടെ ആഭിമുഖ്യത്തിൽ മതേതരത്വ സംരക്ഷണ സദസ്സും ഗാന്ധിയൻ പുരസ്കാര സമർപ്പണവും ബുധനാഴ്ച നടക്കും. രാവിലെ 10ന് ഹോട്ടൽ കോണ്ടിനെ​േൻറാ ക്ലാസിക് കോൺഫറൻസ് ഹാളിൽ നടക്കുന്ന ചടങ്ങിൽ കെ.പി.സി.സി പ്രസിഡൻറ്​ കെ. സുധാകരൻ എം.പി ഉദ്ഘാടനം ചെയ്യും. ഗാന്ധിയൻ പുരസ്കാരം സി. ഹരിദാസിന് സമർപ്പിക്കും. വാർത്തസമ്മേളനത്തിൽ കെ.പി.സി.സി ഗാന്ധി ദർശൻ സമിതി ജില്ല പ്രസിഡൻറ്​ പി.കെ.എം. ബാവ, ഡി.സി.സി ജനറൽ സെക്രട്ടറിമാരായ പന്ത്രോളി മുഹമ്മദലി, യാസിർ പൊട്ടച്ചോല, മണ്ഡലം പ്രസിഡൻറ്​ യാസർ പയ്യോളി, സ്വാഗതസംഘം കൺവീനർ നൗഷാദ് പരന്നേക്കാട് എന്നിവർ പങ്കെടുത്തു.