ഇൻറര്‍സോണ്‍ ഫുട്‌ബാളിന്​ തുടക്കം

കോഴിക്കോട്: കാലിക്കറ്റ് സർവകലാശാല ഇൻറര്‍സോണ്‍ ഫുട്‌ബാള്‍ ചാമ്പ്യന്‍ഷിപ്പില്‍ ആതിഥേയരായ ദേവഗിരി സൻെറ്​ ജോസഫ്‌സ് കോളജിന് വിജയം. ദേവഗിരി കോളജ് ഗ്രൗണ്ടില്‍ നടന്ന ആദ്യ മത്സരത്തില്‍ ഗവ. കോളജ് പട്ടാമ്പിയെയാണ്​ (3-1) കീഴടക്കിയത്. മറ്റു മത്സരങ്ങളില്‍ സൻെറ്​ തോമസ് കോളജ് തൃശ്ശൂര്‍ എം.ഇ.എസ് കോളജ് വളാഞ്ചേരിയെ രണ്ടിനെതിരെ മൂന്ന് ഗോളുകള്‍ക്കും, മമ്പാട് എം.ഇ.എസ് കോളജ് (2-1) കേരള വര്‍മ കോളജ് തൃശൂരിനേയും കീഴടക്കി. ഇന്നലത്തെ അവസാന കളിയിൽ ഡബ്ലു.എം.ഒ കോളജ് മുട്ടില്‍ 3-0 സ്‌കോറിന് എം.ഇ.എസ് കോളജ് കല്ലടിയെ തോല്‍പിച്ചു. ചാമ്പ്യന്‍ഷിപ്പി​ൻെറ ഉദ്​ഘാടനം ഇൻറര്‍നാഷനല്‍ ഫുട്‌ബാള്‍ താരം സേതുമാധവന്‍ നിര്‍വഹിച്ചു. ​വെള്ളിയാഴ്​ച നാലു മത്സരങ്ങള്‍ നടക്കും. കാലിക്കറ്റ് സർവകലാശാല ടീം ഓപണ്‍ സെലക്ഷന്‍ ട്രയല്‍സ് 12ന് രാവിലെ എട്ടിന്​ ആരംഭിക്കും