കനാൽ വരമ്പിൽ മാംസാവശിഷ്​ടങ്ങൾ തള്ളുന്നു

കോങ്ങാട്: ഗ്രാമ പഞ്ചായത്തിലെ മണിക്കശ്ശേരിക്കടുത്ത് കീരിപ്പാറ കനാൽ വരമ്പിൽ മാംസാവശിഷ്​ടങ്ങൾ വലിച്ചെറിയുന്നത് പതിവായത് ജനത്തിന് ദുരിതമാകുന്നു. സമീപ പ്രദേശങ്ങളിലെ കുടിവെള്ള സ്രോതസ്സുകൾ മലിനമാവാനും രോഗങ്ങൾ ഉണ്ടാവാനും സാധ്യത വർധിപ്പിക്കുന്നു. കാഞ്ഞിരപ്പുഴ കനാൽ വരമ്പിലാണ് മാംസാവശിഷ്​ടങ്ങൾ തള്ളുന്നത്. ഇവ പക്ഷിമൃഗാദികൾ വലിച്ച് കനാലിലും അടുത്ത സ്ഥലങ്ങളിലെ ജലാശയങ്ങളിലും ഇടുന്നുമുണ്ട്. വലിച്ചെറിയുന്ന മാലിന്യം ഇടക്കിടെ പ്രദേശവാസികൾ എടുത്തു മാറ്റി വൃത്തിയാക്കും. എന്നാൽ ഏതാനും ദിവസങ്ങൾ കഴിഞ്ഞാൽ മാംസാവശിഷ്​ടങ്ങൾ വീണ്ടുമെത്തും. പടം) KLKD Keeripara കീരിപ്പാറ കനാൽ വരമ്പിൽ മാംസാവശിഷ്​ടങ്ങൾ തള്ളിയ നിലയിൽ