കഞ്ചാവ്​ കടത്ത്​: പ്രതി അറസ്​റ്റിൽ

തൃശൂർ: ജില്ലയിലേക്കുള്ള കഞ്ചാവ് കടത്തുമായി ബന്ധപ്പെട്ട്​ കൊലക്കേസ് അടക്കം നിരവധി ക്രിമിനൽ കേസുകളിലെ പ്രതി വടക്കാഞ്ചേരി പുതുരുത്തി സ്വദേശി സജീവനെ (ഓന്ത് സജീവൻ) പൊലീസ് അറസ്​റ്റ്​ ചെയ്തു. ഇക്കഴിഞ്ഞ നവംബർ 18ന് ചെമ്പുക്കാവിൽനിന്ന് ഷാഡോ പൊലീസ് 1.5 കിലോ കഞ്ചാവുമായി ചെമ്പൂക്കാവ് സ്വദേശി വരാപ്പുള്ളിയിൽ സുജിത് (31) അറസ്​റ്റിലായിരുന്നു. ഇയാളെ ചോദ്യം ചെയ്തതിൽ നിന്നാണ് നിരവധി തവണ വിൽപനക്കായി കഞ്ചാവ് എത്തിച്ചു തന്നത് സജീവൻ ആണെന്ന് അറിഞ്ഞത്. കൊലക്കേസ് അടക്കം നിരവധി ക്രിമിനൽ കേസുകളിലും കഞ്ചാവ് കേസിലും ശിക്ഷിക്കപ്പെട്ട് ജയിലിൽ കിടന്നിട്ടുള്ളയാളുമാണ് സജീവൻ. ഈസ്​റ്റ്​ സി.ഐ ലാൽകുമാറി​ൻെറ നേതൃത്വത്തിലാണ് അറസ്​റ്റ്​ ചെയ്തത്. tcr kanjavu sajeevan