നഗരത്തിൽ നായകളിലെ പകർച്ച വ്യാധി സ്ഥിരീകരിച്ചു

*കിഴക്കേകോട്ടയിൽ ഒരു നായ്​ക്ക്​ 'കെന്നൽ ഡിസ്​റ്റംബർ' തൃശൂർ: നായ്ക്കള്‍ക്കുണ്ടാകുന്ന പകര്‍ച്ചവ്യാധി 'കെന്നല്‍ ഡിസ്​റ്റംബര്‍' തൃശൂര്‍ കിഴക്കേകോട്ടയിൽ ഒരു നായ്​ക്ക്​ സ്ഥിരീകരിച്ചതായി മേയര്‍ എം.കെ. വര്‍ഗീസ് അറിയിച്ചു. കോര്‍പറേഷന്‍ വെറ്ററിനറി ഡോക്​ടര്‍ വീണയുടെ നേതൃത്വത്തില്‍ സ്ഥലത്തെത്തി പരിശോധിച്ച് എ.ബി.സി (അനിമൽ ബർത്ത്​ കൺട്രോൾ) കേന്ദ്രത്തിലേക്ക്​ മാറ്റി ചികിത്സ നല്‍കിവരുകയാണ്. വീട്ടിൽ നായെ വളര്‍ത്തുന്നവര്‍ ജാഗരൂകരായിരിക്കണമെന്നും പകരാന്‍ സാധ്യതയുള്ള ഈ രോഗം നിര്‍മാര്‍ജനം ചെയ്യാൻ മുന്‍കരുതൽ സ്വീകരിക്കണമെന്നും മേയര്‍ അറിയിച്ചു.