'സൈക്കിളത്തൺ' ഇന്ന്​

തൃശൂർ: റോട്ടറി ക്ലബ്​ ഒാഫ്​ ട്രിച്ചൂർ സിറ്റിയും പൾമനോളജി അസോസിയേഷനും സംയുക്തമായി ഞായറാഴ്​ച നഗരത്തിൽ 17 കിലോമീറ്ററോളം ദൈർഘ്യമുള്ള സൈക്കിളത്തൺ സംഘടിപ്പിക്കുമെന്ന്​ ഭാരവാഹികൾ വാർത്തസമ്മേളനത്തിൽ അറിയിച്ചു. ആരോഗ്യത്തിൽ വ്യായാമത്തി‍ൻെറ പങ്ക്​ പ്രചരിപ്പിക്കാനാണ്​ സൈക്കിളത്തൺ സംഘടിപ്പിക്കുന്നത്​. രാവിലെ 6.30ന്​ തൃശൂർ തെക്കേ ഗോപുരനടയിൽ സിറ്റി പൊലീസ്​ കമീഷണർ ആർ. ആദിത്യ ഫ്ലാഗ്​ ഓഫ്​ ചെയ്യും. പൂങ്കുന്നം, വിയ്യൂർ, ചേറൂർ, കിഴക്കേകോട്ട, ഇക്കണ്ടവാര്യർ റോഡ്​ വഴി നഗരത്തിലെത്തി സ്വരാജ്​ റൗണ്ട്​ ചുറ്റും. 200ലധികം പേർ പെങ്കടുക്കും. വാർത്തസമ്മേളനത്തിൽ റോട്ടറി ക്ലബ്​ സെക്രട്ടറി ജോയ്​ കൊള്ളന്നൂർ, പൾമനോളജി അസോസിയേഷൻ സെക്രട്ടറി ഡോ. എ.കെ. ജംഷീർ, പ്രോഗ്രാം ഡയറക്​ടർ സ്​റ്റാലിൻ ബേബി എന്നിവർ പ​ങ്കെടുത്തു.