ഫോട്ടോഗ്രാഫേഴ്സ് അസോസിയേഷൻ ജില്ല പ്രതിനിധി സമ്മേളനം

കുന്നംകുളം: ഓൾ കേരള ഫോട്ടോഗ്രാഫേഴ്സ് അസോസിയേഷൻ 37ാം തൃശൂർ ജില്ല പ്രതിനിധി സമ്മേളനം കുന്നംകുളത്ത് സംസ്ഥാന പ്രസിഡൻറ്​ വിജയൻ മാറാഞ്ചേരി ഉദ്ഘാടനം ചെയ്തു. കെ.കെ. മധുസൂദനൻ അധ്യക്ഷത വഹിച്ചു. സംസ്ഥാന ജനറൽ സെക്രട്ടറി മോനച്ചൻ തണ്ണിത്തോട് സംഘടന റിപ്പോർട്ടും ജില്ല സെക്രട്ടറി സി.ജി. ടൈറ്റസ്​ വാർഷിക റിപ്പോർട്ടും ജില്ല ട്രഷറർ പി.വി. ഷിബു വാർഷിക കണക്കും അവതരിപ്പിച്ചു. ഫോട്ടോഗ്രാഫർ ഓഫ് ദ ഇയർ അവാർഡ് കെ.സി. നിജേഷിന് സംസ്ഥാന സെക്രട്ടറി ജനീഷ് പാമ്പൂർ സമ്മാനിച്ചു. വിവിധ ഫോട്ടോഗ്രഫി മത്സരങ്ങളിൽ വിജയികൾക്കുള്ള സമ്മാന വിതരണവും ഫോട്ടോ പ്രദർശന ഉദ്ഘാടനവും ഫാ. പത്രോസ് ഒ.ഐ.സി.യും കോവിഡ് കാലഘട്ടത്തിലെ സന്നദ്ധ പ്രവർത്തനത്തിനുള്ള ആദരം സംസ്ഥാന സെക്രട്ടറി ജയപ്രകാശും നിർവഹിച്ചു. സജീവ് വസദിനി, (സംസ്ഥാന സ്കൂൾ ഓഫ് ഫോട്ടോഗ്രാഫി ഡയറക്ടർ), സംസ്ഥാന കമ്മിറ്റി അംഗങ്ങളായ കെ.എ. അജീഷ്, ജിനേഷ് ഗോപി, ജില്ല വൈസ് പ്രസിഡൻറുമാരായ റോയ് ആൻറണി, സലീം കല്ലൂർ, ജില്ല പി.ആർ.ഒ സുനിൽ ബ്ലാക്ക്​സ്​റ്റോൺ എന്നിവർ സംസാരിച്ചു. 14 മേഖലകളിൽനിന്നായി 189 പ്രതിനിധികൾ സമ്മേളനത്തിൽ പങ്കെടുത്തു. -tcckkm 3 ഉദ്ഘാടനം