വനിതകൾക്കായി വ്യവസായ സംരംഭങ്ങൾ തുടങ്ങുന്നു

മഞ്ചേരി: നഗരസഭ 2021-22 ജനകീയാസൂത്രണ പദ്ധതിയിൽ ഉൾപ്പെടുത്തി വനിതകൾക്കായി നൂറ് പുതിയ വ്യവസായ സംരംഭങ്ങൾ തുടങ്ങുന്നു. ഇതി​ൻെറ ഭാഗമായി അരുകിഴായ നീലിപ്പറമ്പിൽ കുടുംബശ്രീയുടെ സഹായത്തോടെ ആരംഭിച്ച ഷൈൻ ഗാർമൻെറ്സ് നഗരസഭ ചെയർപെഴ്​സൻ വി.എം. സുബൈദ ഉദ്ഘാടനം ചെയ്തു. 'സ്‌മൈൽ' പേരിൽ സ്ത്രീകൾക്കുള്ള വസ്ത്രങ്ങൾ നിർമിച്ച് വിൽപന നടത്തുന്നതിലൂടെ നിരവധി സ്ത്രീകൾക്ക് ഉപജീവനമാർഗം ലഭ്യമാക്കുന്നതാണ് പദ്ധതി. പി. കുഞ്ഞുമുഹമ്മദ്‌ ആദ്യ വിൽപന നടത്തി. വാർഡ് കൗൺസിലർ സജിത വിജയൻ, വ്യവസായ ഓഫിസർ സന്തോഷ്‌, സി.ഡി.എസ് ചെയർപേഴ്സൻ ഷറഫുന്നിസ, വൈസ് ചെയർപേഴ്സൻ സി. സൈബുന്നിസ, എൻ.യു.എൽ.എം മാനേജർ ശ്രീയേഷ്‌, പി. ഷംസുദ്ദീൻ, ഷിബിൻ മുഹമ്മദ്, സി.ഡി.എസ് അംഗങ്ങളായ ഹഫ്‌സത്ത്, മുനീറ, സുഹൈല സഫീർ എന്നിവർ സംസാരിച്ചു.