യൂത്ത്‌ കോൺഗ്രസ് ഐക്യസദസ്സ്

മഞ്ചേരി: നിയോജകമണ്ഡലം യൂത്ത്‌ കോൺഗ്രസ് കമ്മിറ്റിയുടെ നേതൃത്വത്തിൽ മഞ്ചേരിയിൽ 'തീവ്രവാദം വിസ്മയമല്ല, ലഹരിക്ക് മതമില്ല, ഇന്ത്യ മതരാഷ്​ട്രമല്ല' മുദ്രാവാക്യം ഉയർത്തി ഐക്യസദസ്സ് സംഘടിപ്പിച്ചു. പുതിയ ബസ് സ്​റ്റാൻഡ് പരിസരത്ത് നടന്ന പരിപാടി കെ.പി.സി.സി ജനറൽ സെക്രട്ടറി ആലിപ്പറ്റ ജമീല ഉദ്ഘാടനം ചെയ്തു. നിയോജകമണ്ഡലം പ്രസിഡൻറ് ആസാദ് തമ്പാനങ്ങാടി അധ്യക്ഷത വഹിച്ചു. സംസ്ഥാന വൈസ് പ്രസിഡൻറ് റിയാസ് മുക്കോളി, ഡി.സി.സി ജനറൽ സെക്രട്ടറി ഹാരിസ് ബാബു ചാലിയാർ എന്നിവർ മുഖ്യപ്രഭാഷണം നടത്തി. യൂത്ത്‌ കോൺഗ്രസ് ജില്ല ഭാരവാഹികളായ സുനിൽ പോരൂർ, സൈഫുദ്ദീൻ കണ്ണനാരി, അഷ്‌റഫ് കുഴിമണ്ണ, രമ്യ ബി. ശങ്കർ, ഫാസിൽ പറമ്പൻ, റാഷിദ് വട്ടപ്പാറ, ഷബീർ കുരിക്കൾ, ഷാൻ കൊടവണ്ടി, ഷഹദ് ഊത്താല എന്നിവർ സംസാരിച്ചു.