പരപ്പനങ്ങാടിയിലെ ഹോട്ടലിൽ മോഷണം

പരപ്പനങ്ങാടി: നഗരമധ്യത്തിലെ ഹോട്ടലിൽ മോഷണം. അര ലക്ഷത്തോളം രൂപ നഷ്ടപ്പെട്ടു. ജലീൽ ഉള്ളണത്തിന്‍റെ ഉടമസ്ഥതയിലുള്ള ഹോട്ടൽ റെഡ്റോസിലാണ് വെള്ളിയാഴ്ച പുലർച്ച മോഷണം നടന്നത്. അടുക്കള ഭാഗത്തെ നെറ്റ് തകർത്ത് അകത്ത് കയറിയ മോഷ്ടാവ് കാഷ് വലിപ്പിന് താഴെ സൂക്ഷിച്ച പണമാണ്​ മോഷ്ടിച്ചത്. കച്ചവടത്തിന്‍റെ വാർഷിക സക്കാത്ത് വിഹിതമായി നീക്കിവെച്ചതാണിത്​. മുഖം മറച്ച നിലയിൽ സി.സി.ടി.വിയിൽ ദൃശ്യം പതിഞ്ഞിട്ടുണ്ട്​. പരപ്പനങ്ങാടി പൊലീസ് സ്ഥലത്തെത്തി അന്വേഷണമാരംഭിച്ചു. പടം : MT ppgd moshanam. മോഷണം നടന്ന പരപ്പനങ്ങാടിയിലെ ഹോട്ടലിന്‍റെ പിൻഭാഗം