തൊഴിലുറപ്പ് പദ്ധതി: അപേക്ഷ ക്ഷണിച്ചു

വള്ളിക്കുന്ന്: വള്ളിക്കുന്ന് ഗ്രാമപഞ്ചായത്തിലെ മഹാത്മ ഗാന്ധി ദേശീയ ഗ്രാമീണ തൊഴിലുറപ്പ് പദ്ധതി കാര്യാലയത്തിൽ അക്രഡിറ്റഡ് ഓവർസിയർ, ​ഡേറ്റ എൻട്രി ഓപറേറ്റർ കം അക്കൗണ്ടൻറ് തസ്തികകളിലേക്ക് കരാറടിസ്ഥാനത്തിൽ നിയമിക്കുന്നതിന് അപേക്ഷ ക്ഷണിച്ചു. മൂന്നുവർഷ പോളിടെക്നിക് സിവിൽ ഡിപ്ലോമ അല്ലെങ്കിൽ രണ്ടുവർഷ ഡ്രാഫ്റ്റ്സ്മാൻ സിവിൽ ഡിപ്ലോമയാണ് അക്രഡിറ്റഡ് ഓവർസിയറുടെ യോഗ്യത. ബി.കോം ബിരുദവും ഗവ. അംഗീകൃത പി.ജി.ഡി.സി.എയുമാണ് ​ഡേറ്റ എൻട്രി ഓപറേറ്റർ കം അക്കൗണ്ടന്‍റ്​ യോഗ്യത. ഈ യോഗ്യതയുള്ളവരുടെ അഭാവത്തിൽ മറ്റ് വിഷയങ്ങളിൽ ബിരുദമുള്ള ഗവ. അംഗീകൃത പി.ജി.ഡി.സി.എക്കാരെയും കമ്പ്യൂട്ടർ സയൻസ്/ഇലക്ട്രോണിക്സ് ബിരുദധാരികളെയും പരിഗണിക്കും. അപേക്ഷകൾ ഫെബ്രുവരി 19ന് വൈകീട്ട് അഞ്ചിന് മുമ്പ്​ ലഭിക്കണമെന്ന് സെക്രട്ടറി അറിയിച്ചു.