എസ്.വൈ.എസ് സാന്ത്വന വാരത്തിന് തുടക്കം

മലപ്പുറം: എസ്.വൈ.എസ് മലപ്പുറം ഈസ്​റ്റ്​ ജില്ല സാന്ത്വന വാരത്തിന് തുടക്കമായി. മഞ്ചേരി സാന്ത്വന സദനത്തിലേക്ക് ഭക്ഷ്യധാന്യ കിറ്റ് നല്‍കി എസ്.വൈ.എസ് മലപ്പുറം ഈസ്​റ്റ്​ ജില്ല പ്രസിഡന്‍റ്​ ഹസൈനാര്‍ സഖാഫി കുട്ടശേരി ജില്ല തല ഉദ്ഘാടനം നിര്‍വഹിച്ചു. ജില്ല സാന്ത്വനം സെക്രട്ടറി സയ്യിദ് മുര്‍തള ശിഹാബ്, മഞ്ചേരി സര്‍ക്കിള്‍ സെക്രട്ടറി മുസ്തഫ പട്ടര്‍കുളം, സര്‍ക്കിള്‍ സാന്ത്വനം പ്രസിഡന്റ്, സ്വാദിഖ് അലി സഖാഫി മുട്ടിപ്പാലം, ശകീര്‍ സഅദി, ഉബൈദുള്ള അഹ്സനി, മുസ്​ലിം ജമാഅത്ത് യൂനിറ്റ് സെക്രട്ടറി മുഹമ്മദ് എന്നിവര്‍ പരിപാടിയില്‍ സംബന്ധിച്ചു. സാന്ത്വന വാരത്തിന്‍റെ ഭാഗമായി യൂനിറ്റ് തലങ്ങളില്‍ വിവിധ പദ്ധതികള്‍ ആവിഷ്‌കരിച്ചിട്ടുണ്ട്.