സ്കൂൾ പ്രവേശന കവാടം ഉദ്ഘാടനം ചെയ്തു

വേലൂർ: ഗവ. ആർ.എസ്.ആർ.വി ഹയർ സെക്കൻഡറി സ്കൂളിന്​ വികസന സമിതി നിർമിച്ച കവാടം ജില്ല പഞ്ചായത്ത് പ്രസിഡന്‍റ്​ പി.കെ. ഡേവീസ് ഉദ്ഘാടനം ചെയ്തു. പി.ടി.എ പ്രസിഡന്‍റ്​ ഷൈനി ജിബിൻ അധ്യക്ഷത വഹിച്ചു. ജില്ല പഞ്ചായത്ത് ആരോഗ്യ- വിദ്യാഭ്യാസ സ്റ്റാൻഡിങ്​ കമ്മിറ്റി ചെയർമാൻ എ.വി. വല്ലഭൻ, വേലൂർ ഗ്രാമപഞ്ചായത്ത് പ്രസിഡന്‍റ്​ ടി.ആർ. ഷോബി എന്നിവർ മുഖ്യാതിഥികളായിരുന്നു. ജില്ല പഞ്ചായത്ത് അംഗം ജലീൽ ആദൂർ, പഞ്ചായത്ത് അംഗം സി.ഡി സൈമൺ, കലാ സാംസ്കാരിക പ്രവർത്തകൻ സൂര്യശർമൻ തുടങ്ങിയവർ സംസാരിച്ചു. സ്കൂൾ പ്രിൻസിപ്പൽ സി.എഫ്. ജോൺ ജോഫി സ്വാഗതവും വൈസ് പ്രിൻസിപ്പൽ അജിതകുമാരി കൊറോട്ട് നന്ദിയും പറഞ്ഞു. TCT ERMPT 1 പടം: വേലൂർ ഗവ. ആർ.എസ്.ആർ.വി ഹയർ സെക്കൻഡറിയുടെ പ്രവേശന കവാടം ജില്ല പഞ്ചായത്ത് പ്രസിഡന്‍റ്​ പി.കെ. ഡേവീസ് ഉദ്ഘാടനം ചെയ്യുന്നു