കുഞ്ഞിമൊയ്തീന്‍കുട്ടി അനുസ്മരണം

പൂക്കോട്ടൂര്‍: കോണ്‍ഗ്രസ് നേതാവും എന്‍.ജി.ഒ അസോസിയേഷന്‍ മുന്‍ ജില്ല ഉപാധ്യക്ഷനുമായിരുന്ന പി. കുഞ്ഞിമൊയ്തീന്‍കുട്ടിയെ 21ാം ചരമ വാര്‍ഷിക ദിനത്തില്‍ അനുസ്മരിച്ചു. കോണ്‍ഗ്രസ് മണ്ഡലം കമ്മിറ്റി സംഘടിപ്പിച്ച പരിപാടി ബ്ലോക്ക് കമ്മിറ്റി പ്രസിഡന്‍റ്​ സത്യന്‍ പൂക്കോട്ടൂര്‍ ഉദ്ഘാടനം ചെയ്തു. പ്രസിഡന്‍റ്​ ബാവ പുല്ലാര അധ്യക്ഷത വഹിച്ചു. യൂത്ത് കോണ്‍ഗ്രസ് നിയോജക മണ്ഡലം പ്രസിഡന്‍റ്​ ശറഫുദ്ദീന്‍ വള്ളുവമ്പ്രം, സംസ്കാര സാഹിതി മണ്ഡലം ചെയര്‍മാന്‍ മുസ്തഫ കൊടക്കാടന്‍, ദലിത് കോൺഗ്രസ്​ മണ്ഡലം പ്രസിഡന്‍റ്​ കൃഷ്ണന്‍കുട്ടി, കെ.പി. മുജീബ്, ഉസ്മാന്‍, ഖാദര്‍ മോഴിക്കല്‍, ചന്ദ്രന്‍, മുഹമ്മദലി മുതിരിപ്പറമ്പ്, നാഗന്‍ തുടങ്ങിയവര്‍ സംബന്ധിച്ചു. കര്‍ഷക കോണ്‍ഗ്രസ് മണ്ഡലം കമ്മിറ്റി സംഘടിപ്പിച്ച അനുസ്മരണ യോഗം ബ്ലോക്ക് കോണ്‍ഗ്രസ്​ സെക്രട്ടറി കോട്ട മൂസ ഉദ്ഘാടനം ചെയ്തു. പ്രസിഡന്‍റ്​ കെ.പി. മുജീബ് അധ്യക്ഷത വഹിച്ചു. ശശി പൂക്കോട്ടൂര്‍ അനുസ്മരണ പ്രഭാഷണം നടത്തി. കുഞ്ഞാലന്‍, ഭാസ്‌കരന്‍, ആലി കൊന്നോല, ചന്ദ്രന്‍ എന്നിവര്‍ സംസാരിച്ചു.