സൽവ കെയറിൽ സ്​നേഹക്കൂട്ടൊരുക്കി വിദ്യാർഥികൾ

പാണ്ടിക്കാട്: പൂപ്പലം അൽ ജാമിഅ ആർട്സ് ആൻഡ് സയൻസ് കോളജ് എൻ.എസ്.എസ് യൂനിറ്റിന്റെ നേതൃത്വത്തിൽ പാണ്ടിക്കാട് സൽവ കെയർ ഹോമിലെ അന്തേവാസികൾക്കായി സമാഹരിച്ച തുക കൈമാറി. പ്രോഗ്രാം ഓഫിസർ കെ.എം. സൽമാനുൽ ഫാരിസിൽനിന്ന്​ കെയർ ഹോം മാനേജർ ഇൻചാർജ് എം.എം. മൻസൂർ തുക ഏറ്റുവാങ്ങി. പാട്ടുപാടിയും കഥകൾ പറഞ്ഞും മൈലാഞ്ചിയിട്ടുമെല്ലാം വളന്‍റിയർമാരും അന്തേവാസികളും ദിനം അവിസ്മരണീയമാക്കി. വളന്‍റിയർമാരായ കെ.ടി. റിഫ്അതുല്ല, ടി.കെ. ഫാത്തിമ ദിൽന, വി.പി. ഫാത്തിമത്ത് റിദ, കെ. നുഹ നൗറിൻ, കെ.വി. അലി ഷാദിൻ, എ.കെ. നാഷിദ് എന്നിവർ നേതൃത്വം നൽകി. പടം me pnkd 3 salva പാണ്ടിക്കാട് സൽവ കെയർ ഹോമിൽ അന്തേവാസികൾക്ക് മൈലാഞ്ചിയിടുന്നു