സന്തോഷ് ട്രോഫി: ഫസലുറഹ്മാനെ തേടി അഭിനന്ദന പ്രവാഹം

താനൂർ: സന്തോഷ് ട്രോഫിയിൽ കേരളത്തിന്റെ വിജയ ഗോൾ നേടിയ താനൂർ അട്ടത്തോട് മെതുകയിൽ ഫസലുറഹ്മാന്​ അഭിനന്ദന പ്രവാഹം. നാട്ടുകാരും സുഹൃത്തുക്കളും ജനപ്രതിനിധികളും നേതാക്കളും വീട്ടിലെത്തി അഭിനന്ദനങ്ങൾ അറിയിച്ചു. താനൂർ നഗരസഭ ചെയർമാൻ പി.പി. ഷംസുദ്ദീൻ, വൈസ് ചെയർപേഴ്സണും ഡിവിഷൻ കൗൺസിലറുമായ സി.കെ. സുബൈദ എന്നിവരുടെ നേതൃത്വത്തിൽ പൗരപ്രമുഖരും നാട്ടുകാരും സുഹൃത്തുക്കളും വീട്ടിലെത്തി അഭിനന്ദനങ്ങൾ അറിയിച്ചു. നഗരസഭയുടെ നേതൃത്വത്തിലുള്ള വിപുലമായ പൗരസ്വീകരണം ആഘോഷമായി നടത്തുമെന്ന് നഗരസഭ ചെയർമാൻ പി.പി. ഷംസുദ്ദീൻ അറിയിച്ചു. സ്റ്റാൻഡിങ്​ കമ്മിറ്റി ചെയർമാൻ ജയപ്രകാശ്, മുൻ സന്തോഷ് ട്രോഫി കേരള ടീം ക്യാപ്റ്റൻ പറമ്പത്തിൽ ഉസ്മാൻ, എം.പി. അഷ്‌റഫ്, പി.പി. ബാവ തങ്ങൾ, ടി.പി.എം. കരീം, അബ്‌ദുമോൻ ഹാജി എന്നിവരും മധുരം നൽകി സന്തോഷം പങ്കിട്ടു. ടി.പി. ബഷീർ, സി.പി. അക്ബർ, എം. ജാഫർ, പി.ടി. കോയമോൻ, ടി.വി. റിയാസ്, പറമ്പത്തിൽ കുഞ്ഞിമുഹമ്മദ് ഹാജി, എം. അഷ്‌റഫ്, പി. ആസിഫ്, എം. കുഞ്ഞുട്ടി, പറമ്പത്തിൽ കുഞ്ഞുട്ടി, നിസാം മൻസൂർ, അജ്മൽ എന്നിവർ പങ്കെടുത്തു.