പാത ഇരട്ടിപ്പിക്കൽ: കോട്ടയം എക്സ്​പ്രസ് എറണാകുളത്ത്​ യാത്ര അവസാനിപ്പിക്കും

നിലമ്പൂർ: ഏറ്റുമാനൂര്‍-ചിങ്ങവനം പാത ഇരട്ടിപ്പിക്കലിന്‍റെ അന്തിമഘട്ട പ്രവൃത്തികളുടെ ഭാഗമായി കോട്ടയം സ്റ്റേഷനിലെ യാര്‍ഡ്, സ്റ്റേഷന്‍, സിഗ്​നല്‍ നവീകരണ ജോലികള്‍ നടക്കുന്നതിനാൽ 16325 നമ്പർ നിലമ്പൂര്‍-കോട്ടയം, 16326 നമ്പർ കോട്ടയം-നിലമ്പൂര്‍ എക്സ്പ്രസ്സ് ട്രെയിനുകളുടെ യാ​ത്രയിൽ മേയ് 6 മുതല്‍ 29 വരെ നിയന്ത്രണം. ഈ ട്രെയിനുകൾ എറണാകുളം ടൗണില്‍ നിന്ന് നിലമ്പൂരിലേക്ക് യാത്ര തുടങ്ങുകയും തിരിച്ച് എറണാകുളം ടൗണിലെത്തി യാത്ര അവസാനിപ്പിക്കുകയും ചെയ്യും. 16326 എറണാകുളം ടൗണ്‍ - നിലമ്പൂര്‍ എക്സ്പ്രസ് എറണാകുളം ടൗണിൽ നിന്ന്​ രാവിലെ 06.45 ന് പുറപ്പെടും. നിലമ്പൂരിൽ രാവിലെ 11.45 ന് എത്തും. 16325 നമ്പർ നിലമ്പൂര്‍ - എറണാകുളം ടൗണ്‍ എക്സ്പ്രസ് നിലമ്പൂരിൽ നിന്ന്​ വൈകുന്നേരം 03.10 ന് പുറപ്പെടും. എറണാകുളത്ത് 07.55 ന് എത്തും.