സന്തോഷ്​ ​ട്രോഫി താരം ജെസിന്​ എം.ഇ.എസ്​ ഒരുലക്ഷം നൽകും

മലപ്പുറം: സന്തോഷ്​ ​ട്രോഫിയിൽ കേരളത്തിനായി കൂടുതൽ ഗോളുകൾ നേടിയ നിലമ്പൂർ സ്വദേശി ടി.കെ. ജെസിന്​ ഒരുലക്ഷം രൂപ നൽകുമെന്ന്​ എം.ഇ.എസ്​ സംസ്ഥാന പ്രസിഡന്‍റ്​ ഡോ. ഫസൽ ഗഫൂർ അറിയിച്ചു. പരിമിത ജീവിതസാഹചര്യങ്ങളെ അതിജീവിച്ച്​ കേരളത്തിന്‍റെ അഭിമാനമായി മാറിയ മമ്പാട്​ എം.ഇ.എസ്​ കോളജ്​ വിദ്യാർഥി കൂടിയായ ജെസിൻ നേടിയ ഓരോ ഗോളും സന്തോഷ്​ ​ട്രോഫി ചരിത്രത്തിലെ മായാത്ത മുദ്രകളാണ്​. വിവിധ ഫുട്​ബാൾ ടൂർണമെന്‍റിലേക്കായി 27ൽപരം കളിക്കാരെ വാർത്തെടുത്ത മമ്പാട്​ കോളജിനും ​ജെസിന്‍റെ വിജയം അഭിമാനകരമാണെന്ന്​ അദ്ദേഹം കൂട്ടിച്ചേർത്തു.