കെ.ഇ.എം പബ്ലിക് സ്കൂൾ 10ാം വാര്‍ഷികം നാളെ

വളാഞ്ചേരി: ചോറ്റൂര്‍ മഹല്ല് കമ്മിറ്റിക്ക് കീഴില്‍ പ്രവര്‍ത്തിക്കുന്ന കെ.ഇ.എം പബ്ലിക് സ്കൂളിന്‍റെ 10ാം വാര്‍ഷികം വിവിധ പരിപാടികളോടെ ആഘോഷിക്കുമെന്ന് സംഘാടകർ വാർത്ത സമ്മേളനത്തിൽ അറിയിച്ചു. വെള്ളിയാഴ്ച രാവിലെ 10 മുതല്‍ വൈകീട്ട് മൂന്ന് വരെ വിദ്യാര്‍ഥികളും അധ്യാപകരും ചേര്‍ന്ന് അണിയിച്ചൊരുക്കുന്ന ശാസ്ത്രമേളയും പുരാവസ്തു പ്രദര്‍ശനവും നടക്കും. നൂറോളം സ്റ്റാളുകളിലായി നടക്കുന്ന പ്രദര്‍ശനത്തില്‍ അമ്പതോളം വിദ്യാര്‍ഥികള്‍ മാറ്റുരക്കും. പ്രദര്‍ശനം കാണുന്നതിന് പരിസരപ്രദേശങ്ങളിലെ വിദ്യാഭ്യാസ സ്ഥാപനങ്ങളിലെ വിദ്യാര്‍ഥികള്‍ക്കും പൊതു ജനങ്ങള്‍ക്കും സൗകര്യമുണ്ടാകും. വാര്‍ത്തസമ്മേളനത്തില്‍ മഹല്ല് വൈസ് പ്രസിഡൻറ് ടി. മുഹമ്മദ് ഇസ്മായില്‍, സ്കൂള്‍ കമ്മിറ്റി ചെയര്‍മാന്‍ വി. ഇബ്രാഹിം, കണ്‍വീനര്‍ പി. യാഹു, യു. മമ്മദു, വി. ഷൗക്കത്തലി അസ്​ലമി എന്നിവര്‍ പങ്കെടുത്തു.