അകമലയിൽ ടൂറിസ്റ്റ്‌ ബസ് മറിഞ്ഞ്​ 20 പേർക്ക് പരിക്ക്​

ആനമങ്ങാട് മദ്​റസ യതീംഖാനയിലെ കുട്ടികളാണ്​ അപകടത്തിൽ പെട്ടത്​​ വടക്കാഞ്ചേരി (തൃശൂർ): സംസ്ഥാനപാതയിലെ അകമലയിൽ ടൂറിസ്റ്റ്‌ ബസ് തോട്ടിലേക്ക് മറിഞ്ഞ്​ 20 പേർക്ക് പരിക്കേറ്റു. തൃശൂർ ഭാഗത്തേക്ക് വന്ന ബസ് ടോറസ് ലോറിയെ മറികടക്കുന്നതിനിടെ അകമല ശാസ്താ ക്ഷേത്രത്തിന് സമീപത്തെ ഇരുപതടി താഴ്ചയുള്ള തോട്ടിലേക്ക് മറിയുകയായിരുന്നു. പെരിന്തൽമണ്ണ ആനമങ്ങാട് മദ്​റസ യതീംഖാനയിൽനിന്ന് തിരുവനന്തപുരം ബീമാപള്ളിയിലേക്ക് പോയ കുട്ടികളാണ്​ അപകടത്തിൽ പെട്ടത്​​. 35 പെൺകുട്ടികളും 15 മുതിർന്നവരുമടക്കം 53 പേർ ബസിലുണ്ടായിരുന്നു. ആരുടെയും പരിക്ക്​ ഗുരുതരമല്ല. ഡ്രൈവർ പെരിന്തൽമണ്ണ സ്വദേശി ഉസ്മാൻ (47), ജീവനക്കാരൻ നിലമ്പൂർ സ്വദേശി അനൂപ് (26), ഫാത്തിമ (16), കദീജ (13), ഹാജിറ (17) എന്നിവർ പരിക്കേറ്റവരിൽ ഉൾപ്പെടുന്നു. എല്ലാവരെയും ഓട്ടുപാറയിലെ ജില്ല ആശുപത്രിയിൽ പ്രവേശിപ്പിച്ചു. ----- പടം: tcg wky bus അകമലയിൽ മറിഞ്ഞ ടൂറിസ്റ്റ് ബസ്​