16 ഫാൻറസി കോഴികളെ അജ്ഞാത ജീവി കടിച്ചുകീറി

16 ഫാന്‍റസി കോഴികളെ അജ്ഞാത ജീവി കടിച്ചുകീറി മന്ദലാംകുന്ന്: തീരമേഖലയിൽ അജ്ഞാത ജീവിയുടെ ആക്രമണം രൂക്ഷമാകുന്നു. കിണർ ഭാഗത്ത് 16 ഫാന്‍റസി കോഴികളെ അജ്ഞാത ജീവി കടിച്ചുകീറി. എ.കെ.ജി റോഡിൽ പട്ടർപുരക്കൽ മൊയ്ദീൻ കോയയുടെ കോഴികളെയാണ് ആക്രമിച്ചു കൊന്നത്. 1000 മുതൽ 1500 രൂപ വരെ വിലമതിക്കുന്ന കോഴികളാണ് കഴുത്തിന് മുറിവേറ്റ നിലയിൽ ചത്തുവീണത്. വീട്ടുമുറ്റത്തെ കൂട്ടിലടച്ച കോഴികളെ വ്യാഴാഴ്ച രാത്രിയാണ് ആക്രമിച്ചതെന്ന് കരുതുന്നു. മാസങ്ങൾക്കു മുമ്പും മൊയ്ദീൻ കേയയുടെ 30 കോഴികളെ അജ്ഞാത ജീവി ആക്രമിച്ചു കൊന്നിരുന്നു. തീരമേഖലയിൽ തെരുവുനായ്ക്കളുടെയും അജ്ഞാത ജീവിയുടെയും ആക്രമണം പതിവ്​ സംഭവമാകുകയാണ്.