ഹൈ​ടെ​ൻ​ഷ​ൻ ലൈ​നി​ലെ അ​പ​ക​ടം അറിയിച്ച്​ ഏ​ഴാം ക്ലാ​സു​കാ​ര‍െൻറ വാ​ട്സ്ആ​പ് സ​ന്ദേ​ശം

തേ​ഞ്ഞി​പ്പ​ലം: "ന​മ​സ്കാ​രം കെ.​എ​സ്.​ഇ.​ബി സാ​റ​ന്മാ​രെ, ദേ​വ​തി​യാ​ൽ കൊ​യ​പ്പ​പാ​ടം റോ​ഡി​ൽ ചി​ങ്ങ​ത്ത് ത്രീ ​ഫേ​സ് ലൈ​നി​ൽ ക​മ്പി തു​രു​മ്പി​ച്ചു. ഒ​രു ഇ​ഴ കൂ​ടി​യേ വി​ടാ​ൻ ഉ​ള്ളൂ. അ​തു​കൂ​ടി വി​ട്ടാ​ൽ ലൈ​ൻ റോ​ഡി​ൽ വീ​ഴും" -ഏ​ഴാം ക്ലാ​സു​കാ​ര​ൻ ധ്രു​വ​ൻ ചേ​ളാ​രി വൈ​ദ്യു​തി സെ​ക്ഷ​നി​ലെ ലൈ​ൻമാ​ൻ സു​രേ​ഷിന്‍റെ വാ​ട്സ്ആ​പ്പി​ലേ​ക്ക് അ​യ​ച്ച സ​ന്ദേ​ശം ഒ​രു നാ​ടി​ന് ത​ന്നെ ര​ക്ഷ​യാ​യി. സ​ന്ദേ​ശം അ​വ​ഗ​ണി​ക്കാ​തെ എ​ത്തി​യ ജീ​വ​ന​ക്കാ​ർ ക​ണ്ട​ത് ഏ​ത് നി​മി​ഷ​വും പൊ​ട്ടി​വീ​ഴാ​ൻ പാ​ക​ത്തി​ൽ അ​പ​ക​ടാ​വ​സ്ഥ​യി​ൽ നി​ൽ​ക്കു​ന്ന എ​ച്ച്‌.​ടി ലൈ​നാണ്​. തേ​ഞ്ഞി​പ്പ​ലം ദേ​വ​തി​യാ​ൽ തി​രു​നി​ല​ത്ത് മ​ണ്ണാ​റ​ക്ക​ൽ സു​രേ​ഷ്-​ഷി​ജി ദ​മ്പ​തി​ക​ളു​ടെ മ​ക‍െൻറ സ​ന്ദേ​ശം മാ​ത്ര​മാ​ണ് ഉ​ണ്ടാ​വു​മാ​യി​രു​ന്ന വ​ൻ ദു​ര​ന്ത​ത്തെ ഒ​ഴി​വാ​ക്കി​യ​ത്.

തെ​ങ്ങു​ക​യ​റ്റ തൊ​ഴി​ലാ​ളി​യാ​യ പി​താ​വ് സു​രേ​ഷ് തെ​ങ്ങ് ക​യ​റു​ന്ന വി​ഡി​യോ മൊ​ബൈ​ലി​ൽ പ​ക​ർ​ത്താ​നാ​ണ് ധ്രു​വ​ൻ അ​ച്ഛ​നോ​ടൊ​പ്പം പോ​യ​ത്. വി​ഡി​യോ ചി​ത്രീ​ക​രി​ക്കു​ന്ന​തി​നി​ടെ തെ​ങ്ങി​ൻ മു​ക​ളി​ലേ​ക്ക് പി​താ​വ് ക​യ​റു​ന്ന​ത് എ​ടു​ക്കു​ന്ന​തി​നി​ടെ​യാ​ണ് വൈ​ദ്യു​തി ലൈ​നി​ലെ അ​പ​ക​ടം മൊ​ബൈ​ലി​ലൂ​ടെ ധ്രു​വ​ൻ കാ​ണു​ന്ന​ത്. ഇ​ക്കാ​ര്യം അ​ച്ഛ‍െൻറ ശ്ര​ദ്ധ​യി​ൽ​പ്പെ​ടു​ത്തു​ക​യും ചെ​യ്തു. ചേ​ളാ​രി വൈ​ദ്യു​തി സെ​ക്ഷ​നി​ലെ ജീ​വ​ന​ക്കാ​രു​ടെ ന​മ്പ​റി​ന് വേ​ണ്ടി ഗൂ​ഗ്ളി​ൽ തി​ര​ഞ്ഞെ​ങ്കി​ലും ല​ഭി​ച്ചി​ല്ല. ഒ​ടു​വി​ലാ​ണ് സ​മീ​പ​ത്തെ ഒ​രാ​ളി​ൽ​നി​ന്ന് ലൈ​ൻ​മാ​ൻ സു​രേ​ഷിെൻറ ന​മ്പ​ർ കി​ട്ടി​യ​ത്. ഉ​ട​ൻ ത​ന്നെ സ​ന്ദേ​ശം അ​യ​ച്ചു. വെ​ള്ളി​യാ​ഴ്ച രാ​വി​ലെ ത​ന്നെ സ​ബ് എ​ൻ​ജി​നീ​യ​ർ ബി​ജു, ലൈ​ൻ​മാ​ന്മാ​രാ​യ ര​ഘു​ലാ​ൽ, സു​രേ​ഷ്, വ​ർ​ക്ക​ർ​മാ​രാ​യ ബി​നീ​ഷ്, പ​ര​മേ​ശ്വ​ര​ൻ, കൃ​ഷ്ണ​ദാ​സ് എ​ന്നി​വ​രു​ടെ നേ​തൃ​ത്വ​ത്തി​ൽ സ്ഥ​ല​ത്തെ​ത്തി അ​പ​ക​ടാ​വ​സ്ഥ​യി​ലാ​യ ലൈ​നിലെ ത​ക​രാ​ർ പ​രി​ഹ​രി​ച്ചു.

സ​ന്ദേ​ശം അ​യ​ച്ച ധ്രു​വ​നെ വി​ളി​ച്ചു​വ​രു​ത്തി നോ​ട്ടു​പു​സ്ത​ക​ങ്ങ​ൾ സ​മ്മാ​ന​മാ​യി ന​ൽ​കി​യാ​ണ് വൈ​ദ്യു​തി ജീ​വ​ന​ക്കാ​ർ മ​ട​ങ്ങി​യ​ത്. കാ​ലി​ക്ക​റ്റ് സ​ർ​വ​ക​ലാ​ശാ​ല കാ​മ്പ​സ് സ്‌​കൂ​ളി​ലാ​ണ് ധ്രു​വ​ൻ പ​ഠി​ക്കു​ന്ന​ത്. സ​ഹോ​ദ​രി രു​ദ്ര ചേ​ളാ​രി സ്‌​കൂ​ളി​ൽ പ്ല​സ് ടു ​വി​ദ്യാ​ർ​ഥി​നി​യാ​ണ്.