‘ഗൃ​ഹ​ല​ക്ഷ്മി’​യി​ൽ വി​ജ​യ​ഗാ​ഥ ര​ചി​ച്ച് അ​നി​ത

താ​നൂ​ർ: താ​നാ​ളൂ​ർ പ​ഞ്ചാ​യ​ത്തി​ലെ കു​ണ്ടു​ങ്ങ​ലി​ൽ കു​ടും​ബ​ശ്രീ​യു​ടെ ‘വെ​ൽ​കം’​അ​യ​ൽ​ക്കൂ​ട്ട​ത്തി​ൽ അം​ഗ​മാ​യി​രു​ന്ന അ​നി​ത ജ​യ​പ്ര​കാ​ശ് കു​ടും​ബ​ശ്രീ​ക്ക് കീ​ഴി​ൽ വ്യ​ക്തി​ഗ​ത സം​രം​ഭ​മാ​യി തു​ട​ങ്ങി​യ ഗൃ​ഹ​ല​ക്ഷ്മി ഇ​ന്ന് ജി​ല്ല​യി​ലെ ത​ന്നെ മി​ക​ച്ച സം​രം​ഭ​മാ​യി വ​ള​ർ​ന്നു. ഭ​ക്ഷ്യ​ധാ​ന്യ​ങ്ങ​ൾ പൊ​ടി​ച്ച് പാ​ക്ക് ചെ​യ്തു വി​ൽ​ക്കു​ക എ​ന്ന ഉ​ദ്ദേ​ശ്യ​ത്തോ​ടെ ഫ്ലോ​ർ​മി​ൽ അ​ട​ക്ക​മു​ള്ള യൂ​നി​റ്റി​ന് തു​ട​ക്ക​മി​ടു​മ്പോ​ൾ അ​നി​ത​യോ​ടൊ​പ്പം ഉ​ണ്ടാ​യി​രു​ന്ന​ത് നാ​ലു​പേ​ർ മാ​ത്ര​മാ​യി​രു​ന്നു.

പ്ര​വ​ർ​ത്ത​ന മൂ​ല​ധ​ന​ത്തി​ന്റെ കു​റ​വും പ്രാ​ദേ​ശി​ക​മാ​യി ക​ട​ക​ളി​ൽ വി​ത​ര​ണം ചെ​യ്തി​രു​ന്ന ഉ​ത്പ​ന്ന​ങ്ങ​ളു​ടെ പ​ണം പി​രി​ച്ചെ​ടു​ക്കു​ന്ന​തി​ലു​ള്ള പ്ര​യാ​സ​ങ്ങ​ളും മു​ന്നോ​ട്ടു​ള്ള പോ​ക്കി​ൽ ത​ട​സ്സം തീ​ർ​ത്തി​രു​ന്നു ആ​ദ്യ​ഘ​ട്ട​ത്തി​ൽ. എ​ന്നാ​ൽ അ​ത്ത​രം പ്ര​തി​ബ​ന്ധ​ങ്ങ​ളെ​യെ​ല്ലാം ത​ട്ടി​മാ​റ്റി മി​ക​വു​റ്റ വ​നി​താ സം​രം​ഭ​ക​യാ​യി വ​ള​ർ​ന്നി​രി​ക്കു​ക​യാ​ണ് അ​നി​ത.

ജി​ല്ലാ​ത​ല​ത്തി​ലെ മി​ക​ച്ച പ്ര​ക​ട​ന​ത്തി​ന് കു​ടും​ബ​ശ്രീ​യു​ടെ പു​ര​സ്കാ​ര​ങ്ങ​ള​ട​ക്കം ല​ഭി​ച്ച അ​നി​ത​യു​ടെ യൂ​നി​റ്റ് ഇ​ന്ന് 12 ഓ​ളം കു​ടും​ബ​ങ്ങ​ളു​ടെ ജീ​വി​ത​മാ​ർ​ഗം കൂ​ടി​യാ​ണ്. തി​രൂ​ർ, തി​രൂ​ര​ങ്ങാ​ടി, പൊ​ന്നാ​നി താ​ലൂ​ക്കു​ക​ളി​ലെ ഒ​ട്ടു​മി​ക്ക മാ​ളു​ക​ളി​ലും സ​പ്ലൈ​കോ​യു​ടെ ഔ​ട്ട്‍ലെ​റ്റു​ക​ളി​ലും ഗൃ​ഹ​ല​ക്ഷ്മി എ​ത്തി​യ​തോ​ടെ ഉ​ൽ​പാ​ദ​നം വ​ർ​ധി​പ്പി​ക്കേ​ണ്ടി വ​ന്നി​ട്ടു​ണ്ട്. മ​സാ​ല​പ്പൊ​ടി​ക​ൾ, കൂ​വ​പ്പൊ​ടി, ന​വ​ര, ക​മ്പം ഉ​ൾ​പ്പെ​ടെ​യു​ള്ള വി​വി​ധ ധാ​ന്യ​പ്പൊ​ടി​ക​ളു​മാ​ണ് പ്ര​ധാ​ന​മാ​യും ഗൃ​ഹ​ല​ക്ഷ്മി വി​പ​ണി​യി​ലെ​ത്തി​ക്കു​ന്ന​ത്.

പി​ന്തു​ണ​യു​മാ​യി ഭ​ർ​ത്താ​വ് എ​ട​പ്പ​യി​ൽ ജ​യ​പ്ര​കാ​ശ്, എം.​ടെ​ക് ബി​രു​ദ​ധാ​രി​യാ​യ മ​ക​ൾ അ​ഞ്ജ​ന, എം.​ബി.​എ പൂ​ർ​ത്തി​യാ​ക്കി​യ മ​ക​ൻ അ​ർ​ജു​നു​മ​ട​ങ്ങു​ന്ന കു​ടും​ബം ഗൃ​ഹ​ല​ക്ഷ്മി​യു​ടെ പ്ര​വ​ർ​ത്ത​ന​ങ്ങ​ളി​ൽ സ​ജീ​വ​മാ​ണ്. സാ​മ്പ​ത്തി​ക​മാ​യി പി​ന്നാ​ക്കം നി​ൽ​ക്കു​ന്ന​വ​ർ ധാ​രാ​ള​മു​ള്ള പ്ര​ദേ​ശ​ത്തെ കൂ​ടു​ത​ൽ സ്ത്രീ​ക​ൾ​ക്ക് തൊ​ഴി​ൽ ന​ൽ​കാ​ൻ ക​ഴി​യു​ന്ന സം​രം​ഭ​ക​യാ​യി വ​ള​ര​ണ​മെ​ന്ന ആ​ഗ്ര​ഹ​മാ​ണ്​ അ​നി​ത പ​ങ്കു​വെ​ക്കു​ന്ന​ത്.

കു​ടും​ബ​ശ്രീ​യു​ടെ അ​ക​മ​ഴി​ഞ്ഞ പി​ന്തു​ണ

കു​ടും​ബ​ശ്രീ സം​രം​ഭം എ​ന്ന നി​ല​യി​ൽ കു​ടും​ബ​ശ്രീ മി​ഷ​നും ഇ​ത​ര സ​ർ​ക്കാ​ർ സം​വി​ധാ​ന​ങ്ങ​ളും അ​ക​മ​ഴി​ഞ്ഞ പി​ന്തു​ണ​യാ​ണ് ന​ൽ​കി​യി​ട്ടു​ള്ള​തെ​ന്ന് അ​നി​ത സാ​ക്ഷ്യ​പ്പെ​ടു​ത്തു​ന്നു. കൂ​ടു​ത​ൽ വ​നി​ത​ക​ൾ കു​ടും​ബ​ശ്രീ സം​വി​ധാ​ന​ത്തി​ലൂ​ടെ പു​തി​യ സം​രം​ഭ​ങ്ങ​ളു​മാ​യി മു​ന്നി​ട്ടി​റ​ങ്ങ​ണ​മെ​ന്നും താ​ൽ​ക്കാ​ലി​ക പ്ര​തി​സ​ന്ധി​ക​ളി​ൽ പ​ത​റാ​തെ ക​ഠി​നാ​ധ്വാ​നം ചെ​യ്താ​ൽ വി​ജ​യം സു​നി​ശ്ചി​ത​മാ​ണെ​ന്നും അ​നി​ത പ​റ​യു​ന്നു.