സമൂഹമാധ്യമങ്ങൾ വഴി ബന്ധം സ്ഥാപിച്ച് 11 ലക്ഷം തട്ടിയെടുത്തു; ദമ്പതികൾ അറസ്റ്റിൽ

അ​രീ​ക്കോ​ട് (മലപ്പുറം): സ​മൂ​ഹ​മാ​ധ്യ​മ​ങ്ങ​ൾ വ​ഴി ബ​ന്ധം സ്ഥാ​പി​ച്ച്​ യു​വാ​വി​ൽ​നി​ന്ന് 11 ല​ക്ഷം രൂ​പ ത​ട്ടി​യെ​ടു​ത്ത സം​ഭ​വ​ത്തി​ൽ ദ​മ്പ​തി​ക​ൾ അ​റ​സ്റ്റി​ൽ. തി​രു​വ​ന​ന്ത​പു​രം വ​ർ​ക്ക​ല സ്വ​ദേ​ശി​ക​ളാ​യ റാ​ഷി​ദ (38), ബൈ​ജു (42) എ​ന്നി​വ​രെ​യാ​ണ് അ​രീ​ക്കോ​ട് എ​സ്.​എ​ച്ച്.​ഒ സി.​വി. ലൈ​ജു​മോ​ൻ അ​റ​സ്റ്റ് ചെ​യ്ത​ത്. അ​രീ​ക്കോ​ട് ക​ടു​ങ്ങ​ല്ലൂ​ർ സ്വ​ദേ​ശി​യാ​യ യു​വാ​വി​ൽ​നി​ന്നാ​ണ് മു​ഖ്യ​പ്ര​തി​യാ​യ റാ​ഷി​ദ പ​ണം ത​ട്ടി​യ​ത്.

സ​മൂ​ഹ​മാ​ധ്യ​മ​ങ്ങ​ൾ വ​ഴി​ പ​രി​ച​യ​പ്പെ​ട്ട യു​വ​തി തൃ​ശൂ​രി​ലെ അ​നാ​ഥാ​ല​യ​ത്തി​ലാ​ണ് താ​മ​സി​ക്കു​ന്ന​തെ​ന്ന് യു​വാ​വി​നെ തെ​റ്റി​ദ്ധ​രി​പ്പി​ച്ചു. അ​ർ​ബു​ദ​രോ​ഗ ബാ​ധി​ത​യാ​ണെ​ന്നും ചി​കി​ത്സ ഉ​ൾ​പ്പെ​ടെ​യു​ള്ള ആ​വ​ശ്യ​ങ്ങ​ൾ​ക്ക്​ പ​ണ​മാ​വ​ശ്യ​മു​ണ്ടെ​ന്നും പ​റ​ഞ്ഞാ​ണ് യു​വ​തി​യും ഭ​ർ​ത്താ​വും പ​ണം ത​ട്ടി​യെ​ടു​ത്ത​ത്. മ​ക​ളു​ടെ ഫോ​ട്ടോ കാ​ണി​ച്ചാ​ണ് ഇ​രു​വ​രും ബ​ന്ധം സ്ഥാ​പി​ച്ച​തെ​ന്ന്​ പൊ​ലീ​സ് പ​റ​ഞ്ഞു.

ത​ട്ടി​പ്പ് മ​ന​സ്സി​ലാ​യ​തോ​ടെ അ​രീ​ക്കോ​ട് സ്റ്റേ​ഷ​നി​ൽ പ​രാ​തി ന​ൽ​കു​ക​യാ​യി​രു​ന്നു. എ​സ്.​ഐ അ​ഹ്മ​ദ്, എ.​എ​സ്.​ഐ രാ​ജ​ശേ​ഖ​ര​ൻ, വ​നി​ത ഓ​ഫി​സ​ർ ജ​യ​സു​ധ എ​ന്നി​വ​രാ​ണ് പ്ര​തി​ക​ളെ തി​രു​വ​ന​ന്ത​പു​ര​ത്തെ​ത്തി പി​ടി​കൂ​ടി​യ​ത്. വ​ഞ്ച​ന ഉ​ൾ​പ്പെ​ടെ​യു​ള്ള കു​റ്റ​ങ്ങ​ൾ ചു​മ​ത്തി മ​ഞ്ചേ​രി സി.​ജെ.​എം കോ​ട​തി​യി​ൽ ഹാ​ജ​രാ​ക്കി റി​മാ​ൻ​ഡ് ചെ​യ്തു.