അരീക്കോട് താലൂക്ക് ആശുപത്രിയിൽ 24 മണിക്കൂർ അത്യാഹിത വിഭാഗം ആരംഭിച്ചു

അ​രീ​ക്കോ​ട്: താ​ലൂ​ക്ക് ആ​ശു​പ​ത്രി​യി​ൽ വ​ർ​ഷ​ങ്ങ​ൾ​ക്ക് ശേ​ഷം 24 മ​ണി​ക്കൂ​ർ അ​ത്യാ​ഹി​ത വി​ഭാ​ഗം ആ​രം​ഭി​ച്ചു. 10 വ​ർ​ഷം മു​മ്പാ​ണ് പ്രാ​ഥ​മി​കാ​രോ​ഗ്യ കേ​ന്ദ്രം താ​ലൂ​ക്ക് ആ​ശു​പ​ത്രി​യാ​യി ഉ​യ​ർ​ത്തി​യ​ത്. എ​ന്നാ​ൽ പി​ന്നീ​ടു​ള്ള വി​ക​സ​നം പേ​രി​ലും ഫ്ല​ക്സ് ബോ​ർ​ഡു​ക​ളി​ലും മാ​ത്ര​മാ​യി ഒ​തു​ങ്ങി. ഇ​തോ​ടെ പ്ര​തി​ഷേ​ധ​വു​മാ​യി പ്ര​ദേ​ശ​വാ​സി​ക​ൾ രം​ഗ​ത്തെ​ത്തി​യി​രു​ന്നു.

വി​ഷ​യ​ത്തി​ൽ ‘മാ​ധ്യ​മ​’വും പ​ല ത​വ​ണ വാ​ർ​ത്ത ന​ൽ​കി​യി​രു​ന്നു. ഇ​തി​ന് പി​ന്നെ​ലെ​യാ​ണ് ക​ഴി​ഞ്ഞ വ​ർ​ഷം ആ​ർ​ദ്രം പ​രി​പാ​ടി​യു​ടെ ഭാ​ഗ​മാ​യി ആ​രോ​ഗ്യ​മ​ന്ത്രി വീ​ണ ജോ​ർ​ജ് ആ​ശു​പ​ത്രി​യി​ൽ സ​ന്ദ​ർ​ശ​നം ന​ട​ത്തി​യ​ത്. ഈ ​സ​മ​യം പ്ര​തി​ഷേ​ധ​വു​മാ​യി പ്ര​ദേ​ശ​വാ​സി​ക​ളും രം​ഗ​ത്തെ​ത്തി​യി​രു​ന്നു. തു​ട​ർ​ന്ന് ആ​ശു​പ​ത്രി​യി​ൽ ഉ​ട​ൻ അ​ത്യാ​ഹി​ത വി​ഭാ​ഗം ആ​രം​ഭി​ക്കു​മെ​ന്ന് മ​ന്ത്രി നാ​ട്ടു​കാ​ർ​ക്ക് ഉ​റ​പ്പ് ന​ൽ​കി​യി​രു​ന്നു.

എ​ന്നാ​ൽ വി​വി​ധ ഉ​ത്ത​ര​വു​ക​ൾ ആ​രോ​ഗ്യ​വ​കു​പ്പ് പു​റ​പ്പെ​ടു​വി​ച്ചെ​ങ്കി​ലും അ​ത്യാ​ഹി​ത വി​ഭാ​ഗം യാ​ഥാ​ർ​ഥ്യ​മാ​യി​ല്ല. ഇ​തി​നെ​തി​രെ വ​ലി​യ പ്ര​തി​ഷേ​ധ​വു​മാ​യി സ​മൂ​ഹ​മാ​ധ്യ​മ​ങ്ങ​ളി​ൽ ഉ​ൾ​പ്പെ​ടെ പ്ര​ദേ​ശ​വാ​സി​ക​ൾ രം​ഗ​ത്തെ​ത്തി​യി​രു​ന്നു. തു​ട​ർ​ന്നാ​ണ് ചൊ​വ്വാ​ഴ്ച മു​ത​ൽ ആ​ശു​പ​ത്രി​യി​ൽ അ​ത്യാ​ഹി​ത വി​ഭാ​ഗം ആ​രം​ഭി​ച്ച​ത്.

മൂ​ന്ന് ഷി​ഫ്റ്റു​ക​ളി​ലാ​യി അ​ത്യാ​ഹി​ത വി​ഭാ​ഗ​ത്തി​ൽ മാ​ത്രം ഒ​രു ഡോ​ക്ട​ർ, ന​ഴ്സ്, ന​ഴ്സി​ങ് അ​സി​സ്റ്റ​ൻ​റ്, അ​റ്റ​ൻ​ഡ​ർ എ​ന്നി​വ​രാ​ണ് ഉ​ണ്ടാ​വു​ക. നേ​ര​ത്തെ ഉ​ണ്ടാ​യി​രു​ന്ന ര​ണ്ടു നേ​ര​ത്തെ ഒ.​പി രാ​ത്രി എ​ട്ടു​വ​രെ തു​ട​രും.

ഇ​ത് പ്ര​ദേ​ശ​ത്തെ സാ​ധാ​ര​ണ​ക്കാ​ർ​ക്ക് വ​ലി​യ ആ​ശ്വാ​സ​മാ​ണ്. ഇ​തോ​ടെ രാ​ത്രി​കാ​ല​ങ്ങ​ളി​ൽ എ​ന്ത് സം​ഭ​വി​ച്ചാ​ലും സ്വ​കാ​ര്യ ആ​ശു​പ​ത്രി​ക​ളെ ആ​ശ്ര​യി​ക്കു​ന്ന ഈ ​മേ​ഖ​ല​യി​ലെ സാ​ധാ​ര​ണ​ക്കാ​ർ​ക്ക് ഇ​നി​മു​ത​ൽ സൗ​ജ​ന്യ​മാ​യി ചി​കി​ത്സ ല​ഭി​ക്കും. ആ​ദ്യ​ഘ​ട്ട​ത്തി​ൽ അ​ത്യാ​ഹി​ത വി​ഭാ​ഗ​ത്തി​ൽ ചെ​റി​യ സൗ​ക​ര്യ​ങ്ങ​ൾ മാ​ത്ര​മാ​ണ് ഒ​രു​ക്കി​യി​രി​ക്കു​ന്ന​ത്. വ​രുംദി​വ​സ​ങ്ങ​ളി​ൽ കൂ​ടു​ത​ൽ ഡോ​ക്ട​ർ​മാ​രെ ഉ​ൾ​പ്പെ​ടു​ത്തി അ​ത്യാ​ഹി​ത വി​ഭാ​ഗം വി​പു​ലീ​ക​രി​ക്ക​ണമെന്നാ​ണ് നാ​ട്ടു​കാ​രു​ടെ ആ​വ​ശ്യം.