തീരങ്ങളിൽ കള്ളക്കടൽ പ്രതിഭാസം

താ​നൂ​ർ-​വ​ള്ളി​ക്കു​ന്ന്-പരപ്പനങ്ങാടി: താ​നൂ​രി​ലും വ​ള്ളി​ക്കു​ന്നി​ലും പരപ്പനങ്ങാടിയിലും ആ​ശ​ങ്ക​യേ​റ്റി ക​ള്ള​ക്ക​ട​ൽ പ്ര​തി​ഭാ​സം. താ​നൂ​രി​ൽ ക​ട​ൽ 500 മീ​റ്റ​റോ​ള​വും വ​ള്ളി​ക്കു​ന്നി​ൽ 60 മീ​റ്റ​റോ​ള​വും ഉ​ൾ​വ​ലി​ഞ്ഞു. ബു​ധ​നാ​ഴ്ച ഉ​ച്ച​ക്ക് ശേ​ഷ​മാ​ണ് സം​ഭ​വം.

താ​നൂ​ർ തു​റ​മു​ഖ​ത്തി​ന് തെ​ക്കാ​ണ് ഉ​ൾ​വ​ലി​യ​ൽ കൂ​ടു​ത​ലാ​യി ക​ണ്ട​ത്. പ​തി​വാ​യി എ​ല്ലാ വ​ർ​ഷ​വും ഈ ​വേ​ള​യി​ൽ നേ​രി​യ തോ​തി​ൽ ക​ട​ൽ വ​ലി​യ​ൽ ഉ​ണ്ടാ​കാ​റു​ണ്ടെ​ങ്കി​ലും വ്യാ​പ​ക​മാ​യി ഇ​താ​ദ്യ​മാ​ണ്. ചാ​പ്പ​പ്പ​ടി മു​ത​ൽ മ​റ്റു തീ​ര​ഭാ​ഗ​ങ്ങ​ളി​ലും ചെ​റു​താ​യി പ്ര​തി​ഭാ​സം ദൃ​ശ്യ​മാ​യി. അ​ൽ​പം തെ​ളി​ഞ്ഞ കാ​ലാ​വ​സ്ഥ​യി​ൽ രാ​വി​ലെ തൊ​ഴി​ലാ​ളി​ക​ൾ മീ​ൻ​പി​ടി​ത്ത​ത്തി​ന് പു​റ​പ്പെ​ട്ടി​രു​ന്നു. ഉ​ച്ച​ക്ക് മ​ഴ ക​ന​ത്ത​തോ​ടെ​യും മു​ന്ന​റി​യി​പ്പും കാ​ര​ണം എ​ല്ലാ​വ​രും ക​ര​ക്ക് ക​യ​റി. ഇ​തി​ന് ശേ​ഷ​മാ​ണ് ക​ട​ലി​ൽ മാ​റ്റം ക​ണ്ട​ത്. തി​ര​മാ​ല​ക​ൾ കു​റ​ഞ്ഞ് ക​ട​ൽ വ​ലി​ഞ്ഞ് തീ​ര​ത്ത് ചെ​ളി നി​റ​ഞ്ഞ നി​ല​യി​ൽ ഏ​റെ നേ​രം കാ​ണ​പ്പെ​ട്ടു.

വ​ള്ളി​ക്കു​ന്നി​ൽ ഞ​ണ്ടും മ​ത്സ്യ​ങ്ങ​ളും ഉ​ൾ​പ്പെ​ടെ ച​ത്ത നി​ല​യി​ൽ ക​ര​ക്ക​ടി​ഞ്ഞു. ക​ട​ലി​ന്റെ പ്ര​തി​ഭാ​സം കാ​ണാ​ൻ നി​ര​വ​ധി ആ​ളു​ക​ളാ​ണ് ത​ടി​ച്ചു​കൂ​ടി​യ​ത്.

പരപ്പനങ്ങാടിയിൽ ചാപ്പപടി തീരത്താണ് അസാമാന്യ പ്രതിഭാസം ഉണ്ടായത്. കരയിൽനിന്ന് കടൽ അകന്നതോടെ തീരത്ത് ചെളി പ്രതലം രൂപപ്പെട്ടു. രാത്രിയോടെ കടൽ പൂർവസ്ഥിതി പ്രാപിച്ചതായി മത്സ്യത്തൊഴിലാളി യൂനിയൻ നേതാവ് പഞ്ചാര മുഹമ്മദ് ബാവ അറിയിച്ചു.